08:25, 28 - اقپان 2023 | GMT +6
قىستىڭ سوڭعى كۇنى قازاقستاندا اۋا رايى قانداي بولادى
استانا. قازاقپارات - قازگيدرومەت سينوپتيكتەرى 28-اقپان، سەيسەنبىگە ارنالعان اۋا رايى بولجامىن ۇسىندى، دەپ حابارلايدى قازاقپارات.
بۇگىن قازاقستان اۋماعىنىڭ باسىم بولىگى اۋقىمدى انتيسيكلون ىقپالىندا بولعاندىقتان جاۋىن- شاشىن جاۋمايدى.
تەك قازاقستاننىڭ باتىسى مەن سولتۇستىگىنە اتلانتيكا سيكلونى ىقپال ەتەدى.
وسىعان بايلانىستى جاۋىن-شاشىن (جاڭبىر، قار) جاۋىپ، كوكتايعاق بولادى.
ەلدىڭ سولتۇستىگىندە بۇرقاسىن سوعادى.
قازاقستان بويىنشا تۇمان تۇسەدى، جەل كۇشەيەدى.
