بوكستان وليمپيادا چەمپيونى سەرىك ساپيەۆ الماتىدا وتكەن تۋرنيردە قارسىلاسىمەن توبەلەسە جازدادى

الماتى. قازاقپارات - بوكستان وليمپيادا چەمپيونى سەرىك ساپيەۆ الماتىدا ءوتىپ جاتقان Naiza 49 تۋرنيرىندە Batyrball ويىنىنا قاتىستى، دەپ حابارلايدى قازاقپارات sports.kz رەسۋرسىنا سىلتەمە جاساپ.

ويىن كەزىندە Sever- Yug كومانداسىنىڭ مۇشەسى ساپيەۆكە قارسى كۇرەستىڭ ءبىر ءادىسىن قولداندى. بۇل بۇرىنعى بوكسشىعا ۇنامادى.

ءسويتىپ اياق استىنان ەكەۋىنىڭ اراسىندا جانجال باستالىپ كەتتى.

سەرىك ساپيەۆتىڭ Academy of Sports كومانداسى جەڭىسكە جەتكەن ماتچ اياقتالىپ، سپورتشىلار قول الىسقان كەزدە تاعى دا توبەلەس بولا جازدادى.

Batyrball - Naiza پروموۋشنىندا تانىمال بولعان سپورت ءتۇرى. وندا كۇرەس پەن باسكەتبول ەلەمەنتتەرى ارالاسقان.