تۇركيانىڭ نيگدە پروۆينتسياسىندا جەر سىلكىندى

استانا. قازاقپارات - تۇركيانىڭ نيگدە پروۆينتسياسىندا 5,3 بالدىق جەر سىلكىنىسى تىركەلدى. جەر استى دۇمپۋلەرىنىڭ ەپيتسەنترى بور اۋدانىندا ورنالاسقان، دەپ حابارلايدى قازاقپارات «انادولى» اگەنتتىگىنە سىلتەمە جاساپ.

«سەنبى، 25- اقپاندا جەرگىلىكتى ۋاقىت بويىنشا 13:27 دە تۇركيا پروۆينتسياسىندا 5,3 بالدىق جەر سىلكىنىسى بولدى. تۇركيا ۇكىمەتى جانىنداعى توتەنشە جاعدايلاردىڭ الدىن الۋ جانە جويۋ باسقارماسى (AFAD) جەر استى دۇمپۋلەرىنىڭ ەپيتسەنترى بور اۋدانىندا ورنالاسقانىن حابارلادى. جەر سىلكىنىسى وشاعى 7 ك م تەرەڭدىكتە ورنالاسقان»، - دەپ جازىلعان انادولۋ سايتىندا.

ايتا كەتەيىك، بۇگىن تۇركيانىڭ شىعىسى مەن ورتالىق بولىگىندە، مالاتيا، بينگەل، سيۆاس جانە كونيا پروۆينتسيالارىندا جەر سىلكىنىسى تىركەلدى.

تۇركيانىڭ تابيعي اپاتتاردى باسقارۋ جانە توتەنشە جاعدايلار اگەنتتىگى (AFAD) ەپيتسەنترى كاحرامانماراشتا بولعان جەر سىلكىنىسى سالدارىنان 44218 ادام قازا تاپقانىن حابارلادى.