فۋتبولدان «استانا» كومانداسى - سۋپەركۋبوك يەگەرى اتاندى

استانا. قازاقپارات - فۋتبولدان قازاقستان سۋپەركۋبوگىنىڭ يەگەرى انىقتالدى، دەپ حابارلايدى قازاقپارات ءتىلشىسى.

اتالعان ويىندا «استانا» مەن «ورداباسى» كوماندالارى كەزدەستى. كەزدەسۋدە ەلوردالىق كوماندادان مارين توماسوۆ 8-مينۋتتا ەسەپ اشسا، شىمكەنتتىك كلۋبتان ەركەبۇلان تۇڭعىشبايەۆ 9-مينۋتتا تارازى باسىن تەڭەستىردى.

ال، «استانا» ويىنشىسى دەمبو داربو قورىتىندى ەسەپتى بەلگىلەدى.

وسىلايشا، «استانا» 2:1 ەسەبىمەن جەڭىپ، سۋپەركۋبوك يەگەرى اتاندى.

بيىل سۋپەركۋبوك ويىنى ءوز تاريحىندا 16-مارتە وتكىزىلمەك. قازىرگە دەيىن ول ەلىمىزدىڭ الماتى («ورتالىق»)، استانا («استانا ارەنا»)، قوستاناي («توبىل ارەنا») جانە تۇركىستان («تۇركىستان- ارەنا») قالالارىندا بولدى.

بۇعان دەيىن سۋپەركۋبوككە بارلىعى التى كوماندا قول جەتكىزدى. ولاردىڭ قاتارىندا «استانا» - 5، «اقتوبە» - 3، «قايرات» پەن «توبىل» - 2، «شاحتەر»، «ورداباسى» مەن «ەلىماي» - 1 مارتەدەن ەنشىلەدى.

ەسكە سالساق، بۇدان بۇرىن «قايسار» افريكالىق فۋتبولشىمەن كەلىسىمشارتقا وتىردى.