سيرەك كەزدەسەتىن قىمبات قارۋ-جاراقتىڭ ءتۇر-ءتۇرىن ساتىپ كەلگەن قىلمىستىق توپ ۇستالدى
ونىڭ بارىسىندا وسىنى ۇيىمداستىرعان كۇدىكتى مەن ونىڭ كومەكشىلەرى ۇستالدى، دەپ حابارلايدى قازاقپارات.
بۇل وپەراتسيا الدىندا ۇزاق جەدەل زەردەلەۋ جۇمىسى جۇرگىزىلگەن.
ناتيجەسىندە وق-دارىمەن اتاتىن جانە وزگە دە سۋىق قارۋدى، سونىمەن قاتار وق-ءدارىنىڭ سيرەك كەزدەسەتىن تۇرلەرىن جەتكىزۋ مەن ساتۋ جۇيەلەرى انىقتالىپ، قۇجاتپەن بەكىتىلدى.
قاسكويلەر قۇپيالىق شارالارىن قاتاڭ ساقتاپ، ساۋدالاۋدىڭ قالىپتان تىس ادىستەرىن پايدالانۋ ارقىلى قىلمىستىق ۇيىمنىڭ جۇمىسىن اشكەرەلەۋدى قيىنداتقان.
ۋاقتىلى قابىلدانعان شارالار ناتيجەسىندە قىلمىستىق بيزنەسكە توسقاۋىل قويىلدى.
قارۋ-جاراقتىڭ نەگىزگى بولىگى جاقىن شەت ەلدەردەن قالىپتاسقان قۇپيا ارنالار ارقىلى جەتكىزىلىپ تۇرعان.
زاڭسىز اينالىمنان 12 قارۋ (جەتىلدىرىلگەن تاپانشالار، مىلتىقتار، زاماناۋي جابدىقتالعان قارۋلار)، 2000 اسا وق-ءدارى، سونىمەن قاتار سۋىق قارۋدىڭ بىرنەشە ءتۇرى (ليميت اياسىندا جاسالعان قىمبات پىشاقتار، قانجارلار، قىلىشتار، ءجۇزى جاسىرىلعان قول تاياقتار جانە باسقا) الىندى.
جەدەل-تەرگەۋ ءىس-شارالارى جالعاسىپ جاتىر.
