الماتىدا ستۋدەنتتەردىڭ جاپپاي توبەلەسى ۆيدەوعا ءتۇسىپ قالدى

الماتى. قازاقپارات - الماتىدا ستۋدەنتتەر جاتاقحاناسىنىڭ جانىندا جاپپاي توبەلەس بولدى، دەپ حابارلايدى قازاقپارات ءتىلشىسى.

وقيعا ورنىنان تۇسىرىلگەن ۆيدەو الەۋمەتتىك جەلىلەردە تارادى.

بەينەجازبادا بۇل جاعدايدىڭ ۋنيۆەرسيتەت جاتاقحاناسىنىڭ بىرىندە بولعانى جازىلعان.

الماتى قالالىق پوليتسيا دەپارتامەنتىنىڭ مالىمەتىنشە، جاستار اراسىنداعى جاپپاي توبەلەس 23- اقپان كۇنى 23:00 شاماسىندا الماتى قالاسىنىڭ بوستاندىق اۋدانىندا بولعان.

«پاترۋلدىك پوليتسيانىڭ بىرنەشە ەكيپاجى توبەلەس ورنىنا باردى. ناتيجەسىندە 11 قاتىسۋشى ۇستالدى. بۇزاقىلىق دەرەگى بويىنشا ق ر ق ك 293-بابىنىڭ 2-بولىگىمەن سوتالدى تەرگەۋ باستالدى. جانجالدىڭ باسقا ءمان-جايى انىقتالىپ جاتىر»، - دەپ حابارلادى ۆەدومستۆودان.