قازاقستاندا جاعىلعان گاز تاريفىن جاڭا نورماتيۆ ارقىلى ەسەپتەۋ ۇسىنىلدى
وسى ورايدا ول جاعىلعان گاز كولەمى ءتيىستى ليميتتەن اسقان جاعدايدا تۇرعىندار ءۇشىن تولەم سوماسى دا وسەتىنىن ايتتى.
«اتاپ ايتقاندا، قولدا بار رەسۋرستاردى دۇرىس ءبولۋ كەرەك. ماسەلەن، سولتۇستىك وڭىرلەردە كۇزگى-قىسقى كەزەڭ توعىز ايعا جۋىق جالعاسادى. وسى ورايدا ءبىر ۇيدەگى قازاندىق شامامەن 500-1000 تەكشە مەتر گاز جاعادى. ال، وڭتۇستىك جانە باتىس ايماقتاردا ءبىر ءۇي گازدى ءۇش ەسە كوپ جاعادى. بۇل تۇرعىدا وسى ۇيلەردىڭ جانىندا قانداي دا ءبىر بيزنەس بار ەكەنىن، ياعني قوناق ءۇي، دۇكەن جانە باسقا دا نىساندار ىسكە قوسىلعانىن بىلدىرەدى. ءبىز «الەۋمەتتىك مينيمۋم» ەنگىزگىمىز كەلەدى. جەكە تۇرعىن ءۇي بولسا، ونداعى كونفوركانى، گاز پەشىن، قازاندىقتى ءبىر نورماتيۆكە قامتيمىز. ەگەر گاز جاعۋ كولەمى وسى ورتاشا نورماتيۆتەن ارتىق بولسا، بۇل رەتتە تولەم باسقاشا ەسەپتەلەدى. وسى تەكتەس تالاپتار الەمنىڭ ءبىراز ەلىندە ەسكەرىلگەن»، - دەدى ا. قاسەنوۆ ەلوردادا وتكەن قوعامدىق كەڭەس وتىرىسىندا.
بۇدان بۇرىن حابارلانعانداي، QazaqGaz ءىرى كوممەرتسيالىق ۇيىمدار مەن ماينەرلەرگە گازدى قىمبات باعامەن بەرۋدى سۇرادى.
