قارتايعان كەزدە دە دەنساۋلىقتى قالاي ساقتاۋعا بولادى؟
ر ف دەنساۋلىق ساقتاۋ جانە الەۋمەتتىك دامۋ مينيسترلىگىنىڭ رەسەي ۇلتتىق زەرتتەۋ مەديسينالىق ۋنيۆەرسيتەتىنىڭ «گەرانتولوگيا» ورتالىعىنىڭ ديرەكتورى، رەسەي مەديسينا عىلىمدارى اكادەمياسىنىڭ اكادەميگى ۆلاديمير شابالين وسىنداي پىكىرىن ءبىلدىردى، دەپ حابارلادى يتار-ت ا س س.
«ەڭ الدىمەن، ادامنىڭ دەنە قىزمەتى مەن ينتەللەكتۋالدىق قىزمەتىنە بىردەي تۇراقتى جۇكتەمە بولۋى ءتيىس. ايتپەسە، ادام قاجي باستايدى. سپورتشى سياقتى جاتتىقسا، بۇلشىق ەتتەرى، سۇيەكتەرى جانە باسقا دا اعزالارى داميدى، سول سياقتى ادامنىڭ باس ميى دا ۇنەمى جۇمىس ۇستىندە بولۋى ءتيىس»، - دەدى ول.
دارىگەردىڭ ايتۋىنشا، ۇيقى گيگيەناسىنا، سونداي-اق سەزىمدەرىن باسقارۋعا ۇيرەنۋ قاجەت، سوندا ۇزاق ءومىر سۇرۋگە بولادى.
شاباليننىڭ ايتۋىنشا، ۇزاق ءومىر ءسۇرۋدىڭ تاعى ءبىر قۇپياسى - جاقسى تاماقتانۋدا. ەكزوتيكالىق ديەتاعا اۋەس بولماۋ قاجەت. ادام اۋەلدەن قانداي تاعامدارعا ادەتتەنسە، سونى ۇستانۋى قاجەت. ەگدە تارتقان سايىن مال جانە وسىمدىك تاعامدارىنىڭ اراقاتىناستارىن ساقتاي وتىرىپ، ەكىنشىسىنە قاراي كوبىرەك ويىسۋ قاجەت، دەيدى ول.
