باتىس قازاقستاندا تىكۇشاق اپاتىنان زارداپ شەككەن ەكى ادام اۋرۋحاناعا جاتقىزىلدى

ورال. قازاقپارات - باتىس قازاقستان وبلىسىندا تىكۇشاق اپاتىنان زارداپ شەككەن ەكى ادام اۋرۋحاناعا جاتقىزىلدى، دەپ حابارلايدى قازاقپارات ءتىلشىسى.

ب ق و دەنساۋلىق ساقتاۋ باسقارماسىنىڭ باسپا ءسوز حاتشىسى ايناگۇل ساقپوسىنوۆانىڭ ناقتىلاۋىنشا، اتالمىش وقيعادان 1961 جانە 1987 -جىلعى ەر ادامدار جاراقات الدى.

«الدىن الا مالىمەت بويىنشا ەكەۋى دە باس پەن ميدىڭ جابىق جاراقاتىن الىپ، ميلارى شايقالعان. وعان قوسا باس توبەسى سوعىلعان. ەكەۋى دە قالالىق كوپبەيىندى اۋرۋحانانىڭ نەيروحيرۋرگيا بولىمىندە جاتىر. جاعدايلارى تۇراقتى»، دەدى قازاقپارات تىلشىسىنە ا. ساقپوسىنوۆا.

ەسكە سالا كەتەيىك، بۇدان بۇرىن ب ق و-دا اپاتتى جاعدايدا قونعان تىكۇشاقتاعى 4 ادامنىڭ مەرت بولعانىن جازعان ەدىك.