پسيحولوگ قانداي قىزدار تۇرمىسقا شىقپايتىنىن ايتتى
ەگەر اينالاڭىز سىزگە تۇرمىسقا شىعۋ كەرەك ەكەنىن ايتا بەرەتىن بولسا، ء بىراق ونى شىنىمەن قاجەت دەپ ساناماساڭىز نە ىستەۋ كەرەك؟ پسيحولوگ ميحايل لابكوۆسكي ءوزىنىڭ Telegram-ارناسىندا وسى سۇراققا جاۋاپ بەردى.
ساراپشىنىڭ تۇسىندىرۋىنشە، ادامزات تاريحىندا جالعىزدىق ولىمگە اكەلەتىن كەزدەر بولعان. ءبىزدىڭ اتا-بابالارىمىز وتباسىندا، قاۋىمداستىقتا ءومىر سۇرگەن. ادامدار جاۋدان، جابايى اڭداردان امان قالۋ ءۇشىن، ءبىر-بىرىنە قامقور بولۋ ءۇشىن ءبىر شاڭىراق استىندا ءومىر ءسۇردى. الايدا ول زامان ارتتا قالدى، قوعامىمىز وزگەردى. ەگەر بۇرىن قوعامنان تىس كەز كەلگەن ادام بەلگىلى قاۋىپكە ۇشىراسا، ەندى جالعىزدىق ءار ادامنىڭ جەكە تاڭداۋى.
لابكوۆسكي ادەكۆاتتى ءوزىن-ءوزى باعالايتىن ايەلدەردىڭ مۇلدەم تۇرمىسقا شىققىسى كەلمەيتىنىن ايتادى.
«ولارعا جاي كۇيەۋ قاجەت ەمەس: تەك جاقسى كورۋ جانە قۇرمەتتەۋ كەرەك. ونداي بويجەتكەندەر «ءبارى تۇرمىسقا شىعادى»، «دوسىم دا وتباسىن قۇردى» دەپ بىرەۋدى ىزدەپ، ا ح ا ج- عا بارمايدى»، - دەيدى مامان.
ءوز-ءوزىن باعالايتىن ادامدار عانا وزگەنىڭ پىكىرىنە تاۋەلدى بولمايدى.
«ەگەر وزگەنىڭ ءسىزدىڭ وتباسىن قۇرعان-قۇرماعانىڭىز تۋرالى پىكىرىنە تاۋەلدى بولساڭىز، ءوز-ءوزىڭىزدى باعالاۋدىڭ تومەن بەلگىسى. ويتكەنى، وزىنە سەنىمدى ادام باسقا ادامداردىڭ، ءتىپتى ەڭ جاقىن ادامدارىنىڭ دا پىكىرىنە مۇقتاج ەمەس. بۇل سەنىڭ ءومىرىڭ»، - دەيدى لابكوۆسكي.
پسيحولوگ اينالاڭىزدا ءارقاشان سىزگە جانە ءسىزدىڭ تاڭداۋىڭىزعا كوڭىلى تولمايتىن ادامدار بولاتىنىن ايتادى.
«ەگەر بۇكىل ومىرىڭىزدە باسقالاردىڭ كوڭىلىنەن شىعۋعا تىرىسساڭىز، وندا كوپ ۇزاماي بارلىعىنا ۇنايتىن جانە ەشكىم قۇرمەتتەمەيتىن ادامعا اينالاسىز. سوندىقتان، جاي عانا وتباسىلى بولعىڭىز كەلمەسە (ءقازىر نەمەسە مۇلدە)، پروبلەما ەمەس. نەگىزگى ماسەلە بۇل شەشىم باسقالارعا قانداي اسەر ەتۋى مۇمكىن دەپ الاڭداۋىڭىزدا عانا»، - دەيدى ول.
ايتا كەتەيىك، پسيحوتەراپيەۆت قاراڭعىدان نە ءۇشىن قورقاتىنىمىزدى ايتقان بولاتىن.
