20:30, 23 - اقپان 2023 | GMT +5
باتىس قازاقستاندا «قازاۆياقۇتقارۋ» تىكۇشاعى اپاتتى جاعدايدا قوندى
استانا. قازاقپارات - باتىس قازاقستان وبلىسىندا «قازاۆياقۇتقارۋ» ا ق تىكۇشاعى اپاتتى جاعدايدا قوندى. ءمان-جايدى ق ر توتەنشە جاعدايلار مينيسترلىگىنىڭ رەسمي وكىلى رۋسلان يمانقۇلوۆ ءمالىم ەتتى، دەپ حابارلايدى قازاقپارات.
«باتىس قازاقستان وبلىسىندا ماگيسترالدى مۇناي قۇبىرىن شولىپ قاراۋ بارىسىندا «قازاۆياقۇتقارۋ» تىكۇشاعى اپاتتى جاعدايدا قوندى.
وقيعا ورنىنا اتتانعان ماماندار سەبەبىن انىقتايتىن بولادى.
ارينە، مۇنداي فاكتىلەرگە بارىنشا جاۋپكەرشىلىكپەن قارايمىز. بورت ساقتاندىرىلعان. مەرزىمدى تەحنيكالىق قىزمەت كورسەتۋدەن 2023-جىلدىڭ قاڭتارىندا وتكەن. ەكيپاجبەن تەلەفون ارقىلى اڭگىمەلەسۋ بولدى. بورتتا بولعانداردىڭ بارلىعى ءتىرى. قانداي دا ءبىر قۇتقارۋ جۇمىستارىنا بۇل جاعداي اسەر ەتپەيدى»، - دەدى ر. يمانقۇلوۆ.
قازىرگى ۋاقىتتا توتەنشە جاعدايلار مينيسترلىگىنىڭ بارلىق قۇتقارۋ قىزمەتتەرى، سونىڭ ىشىندە اۆياتسيا شتاتتىق رەجيمدە جۇمىس جاساپ جاتىر.
