قازاقى تازى مەن توبەتتىڭ تۇقىم-تەگىنەن مالىمەت بەرەتىن انىقتاما جاسالادى

استانا. قازاقپارات - ورمان شارۋاشىلىعى جانە جانۋارلار الەمى كوميتەتى قازاقى تازى مەن توبەتتىڭ تۇقىم-تەك كىتابىن جۇرگىزۋ ەرەجەسىن ازىرلەپ، اشىق نقا پورتالىندا كوپشىلىك تالقىسىنا شىعاردى، دەپ حابارلايدى قازاقپارات ءتىلشىسى.

ءبىرىڭعاي تۇقىم-تەك كىتابىنا تازا تەكتى تازىعا جاتاتىن يتتەردىڭ ءتول كارتاسىنداعى مىنا مالىمەتتەر ەنگىزىلەدى:

- تىركەۋ ءنومىرى، شىعۋ تەگى مەن تۇقىمى؛

- ءتىرى سالماق بويىنشا اتالىق جانە انالىق سيپاتتامالارى؛

- بالدىق جۇيەمەن باعالاۋ يندەكسى؛

- انالىقتاردىڭ جۇپتاسۋ جانە كۇشىكتەۋ ەسەبى؛

- اتالىقتاردىڭ، انالىقتاردىڭ تۇقىمعا پايدالانۋ دەرەكتەرى جانە ولاردان تاراعان يتتەردىڭ ساپاسىن ەسەپكە الۋ مالىمەتتەرى؛

- يتتەردىڭ لاقاپ اتى، جەكە ءنومىرى، تۇقىمى، تۋعان كۇنى مەن جەرى، شىعۋ تەگى؛

- شوقتىعىنىڭ بيىكتىكتى، كەۋدە قۋىسىنىڭ تەرەڭدىگى، دەنەنىڭ قيعاش ولشەمدەرى ۇزىندىعى (ولشەۋ تاياقشاسىمەن)، مەتاكارپ شەڭبەرىنىڭ ولشەمى؛

- ءوڭى، تۋعان جىلى؛

- ءجۇنىنىڭ سيپاتى؛

- باس قۇرىلىمى، جاق پەن قۇلاق سيپاتى؛

- مويىن قۇرىلىسى.

ال تازا تەكتى توبەتكە جاتاتىن يتتەردىڭ ءتول كارتالارىنداعى مىنا مالىمەتتەر ەنگىزىلەدى:

- تىركەۋ ءنومىرى، شىعۋ تەگى مەن تۇقىمى؛

- ءتىرى سالماق بويىنشا اتالىق جانە انالىق سيپاتتامالارى؛

- بالدىق جۇيەمەن باعالاۋ يندەكسى؛

- انالىقتاردىڭ جۇپتاسۋ جانە كۇشىكتەۋ ەسەبى؛

- اتالىقتاردىڭ، انالىقتاردىڭ تۇقىمدىق پايدالانۋ دەرەگى، جانە ولاردان تاراعان يتتەردىڭ ساپاسىن ەسەپكە الۋ مالىمەتتەرى؛

- لاقاپ اتى، جەكە ءنومىرى، تۇقىمى، تۋعان كۇنى مەن جەرى، شىعۋ تەگى؛

- ءوڭى، تۋعان جىلى.

- ءجۇنىنىڭ سيپاتى؛

- باس قۇرىلىسى، جاق پەن قۇلاق سيپاتى؛

- مويىن قۇرىلىسى.

تۇقىم-تەك كىتابىن جۇرگىزۋگە لايىقتى يتتەر مىنانداي سيپاتتار بويىنشا ىرىكتەلمەك:

تازى يتتەرىنىڭ تۇقىمدارى بويىنشا:

ەركەك تازىلارى ەنەسى مەن اكەسىنىڭ كەمىندە ءۇش بۋىنداعى تەك شەجىرەسىنىڭ دەرەكتەرى بولسا جانە وزىنەن تارايتىن تۇقىمنىڭ تىزبەگىن جەتىلدىرۋشى قابىلەتى دالەلدەنسە؛

ۇرعاشى تازىلار ەنەسى مەن اكەسىنىڭ كەمىندە ءۇش بۋىنداعى تەك شەجىرەسىنىڭ دەرەكتەرى بولسا.

توبەت تۇقىمدارى بويىنشا:

توبەت ەركەگى وزىنەن تاراعان بۋىنداردىڭ ساپاسى بويىنشا باعالانادى. مۇندا دا ەنەسى مەن اكەسىنىڭ كەمىندە ءۇش بۋىنداعى تەك شەجىرەسىنىڭ دەرەكتەرى بولۋى شارت.

ۇرعاشى تۇرلەرى ءۇشىن ەنەسى مەن اكەسىنىڭ كەمىندە ءۇش بۋىنداعى تەك شەجىرەسىنىڭ دەرەكتەرى بولۋى شارت.

سونداي-اق ءبىرىڭعاي تەك-تۇقىم كىتابىنا جىل سايىن تازا تەكتى يتتەردىڭ تۇقىم تاراتۋعا پايدالانۋ دەرەكتەرى، ولاردان تاراعان بۋىنداردىڭ دەرەكتەرى كارتوتەكالىق جۇيەمەن ەنگىزىلىپ وتىرادى.

قۇجات 1- شىلدەدە كۇشىنە ەنەدى دەپ جوسپارلانعان.