بيىل ەلىمىزگە تۇركيا، ا ق ش، ۇلى بريتانيا جانە گەرمانيادان تۋريستەر كوپ كەلگەن
جىل باسىنان بەرى ەلىمىزگە 2,5 مىڭعا جۋىق تۇركيا ازاماتى، 1,4 مىڭعا جۋىق گەرمانيا، 1,4 مىڭعا جۋىق اقش جانە 1,2 مىڭعا جۋىق ۇلىبريتانيا ازاماتى كەلدى.
ال، تاياۋ شەتەلدەن كەلگەندەر بويىنشا العاشقى وندىقتا: رەسەي - 58,2 مىڭنان استام تۋريست، وزبەكستان - 11,2 مىڭنان استام، قىرعىزستان - 3 مىڭعا جۋىق، ق ح ر - 2,3 مىڭنان استام، تاجىكستان - 2,3 مىڭنان استام ساياحاتشى.
ءۇندىستاننان كەلگەن قوناقتاردىڭ ديناميكاسى بايقالادى: شامامەن 3 مىڭ ادام. ايتا كەتسەك، جاقىندا ءۇندىستاندا قازاقستان بەدەلدى تۋريستىك سىيلىق العان بولاتىن.
تۋريستەر كوپ باراتىن ەڭ تارتىمدى جەر رەتىندە الماتى كوش باستاپ تۇر - 40 مىڭعا جۋىق تۋريست. ودان كەيىن استانا (22 مىڭنان استام)، اقتوبە وبلىسى (4733)، اتىراۋ وبلىسى (4212)، ماڭعىستاۋ وبلىسى (3023)، باتىس قازاقستان وبلىسى (2778)، پاۆلودار وبلىسى (2719)، سولتۇستىك قازاقستان وبلىسى (2651)، شىمكەنت (2586) جانە قاراعاندى وبلىسى (2573)
«تۋريستەردىڭ نەگىزگى بولىگى الماتى جانە استانا قوناق ۇيلەرىنە توقتايدى. ەڭ كوپ سۇرانىسقا يە ۇزدىك وندىققا كىرگەن كورىكتى مەكەندە وسى ەكى مەگاپوليستىڭ قوناق ۇيلەرى بار. بۇل رەتتە جىل باسىنان بەرى قوناقتاردى قازاقستان بويىنشا 16654 جەكە جانە 6746 زاڭدى تۇلعا قابىلداعان»، - دەدى مادەنيەت جانە سپورت ۆيتسە- ءمينيسترى ەرجان ەركىنبايەۆ.
