15:25, 22 - اقپان 2023 | GMT +5
اۋا رايىنا بايلانىستى الماتى اۋەجايىنان ءبىرقاتار رەيس كەشىگىپ ۇشتى
الماتى. قازاقپارات - اقپاننىڭ 21 نەن 22 نە قاراعان ءتۇنى مەتەوجاعدايعا بايلانىستى الماتى اۋەجايىندا ءبىرقاتار رەيستەر كەشىگىپ ۇشتى، دەپ حابارلايدى قازاقپارات ءتىلشىسى.
الماتى حالىقارالىق اۋەجايىنىڭ باسپا ءسوز قىزمەتى حابارلاعانداي، وتكەن ءتۇنى مەتەوجاعدايدىڭ سالدارىنان الماتى حالىقارالىق اۋەجايىنان ۇشاتىن جانە ۇشىپ كەلەتىن ءبىرقاتار رەيستەر كەشىككەن.
«وتكەن ءتۇنى قولايسىز اۋا رايىنا بايلانىستى الماتى حالىقارالىق اۋەجايىنان الماتى-سابيحا گوكچەن، الماتى-شەرەمەتيەۆو، الماتى-ىستانبۇل، الماتى-ءۇرجار، الماتى-مينەرالدى سۋلار، الماتى-پحۋكەت، الماتى-استانا، الماتى-دۋباي رەيستەرى كەشىگىپ ۇشتى»، - دەپ حابارلادى اۋەجايدىڭ باسپا ءسوز قىزمەتى.
