بالاسىنا ۆاكسينا سالعىزبايتىن اتا-انالار كوبەيۋدە
«ءبىز جىل سايىن مونيتورينگ جۇرگىزەمىز جانە وكىنىشكە وراي، سوڭعى جىلدارى ۆاكسينادان باس تارتقان تۇرعىنداردىڭ سانى ارتقان. سوڭعى جىلدارى 6 مىڭنان استام اتا-انا بالالارىن ۆاكسينالاۋدان باس تارتقان. دەگەنمەن ءبىز ءوز تاراپىمىزدان ءتۇسىندىرۋ جۇمىستارىن جۇرگىزىپ جاتىرمىز، ويتكەنى ۆاكتسينادان باس تارتقان اتا-انا ينفەكسيالاردىڭ قانداي اۋىر ەكەنىن، ونىڭ سالدارى قانداي ەكەنىن تۇسىنبەيدى. ءبىز ولاردىڭ ۆاكسينادان باس تارتۋىنىڭ سەبەبىن انىقتايمىز. بارلىق فاكتورلاردى ەسكەرە وتىرىپ، تەولوگتاردى دا ءدىني تۇرعىدان ءتۇسىندىرۋ جۇمىستارىنا قوسامىز»، - دەدى ن. ازىمبايەۆا ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
«استانا مەديتسينا ۋنيۆەرسيتەتى» ا ق بالالار جۇقپالى اۋرۋلارى كافەدراسىنىڭ مەڭگەرۋشىسى ديناگۇل باەشيەۆانىڭ ايتۋىنشا، قىزامىق اۋرۋى تاراعاندا قانشاما بالا اۋىردى جانە قايتىس بولعاندارى دا بار. كوپتەگەن بالا مۇگەدەك بولىپ قالدى.
«كوروناۆيرۋستى الساق تا، قانشا ادام رەانيماتسيادا بولعانىن، قانشا ادام قايتىس بولعانىن تەكسەردىك. مۇندا ۆاكسينا العان بىردە-ءبىر ادام قايتىس بولعان جوق. بۇل ۆاكسينادان كەيىن اۋىرمايتىنىڭىزدى بىلدىرمەيدى، دەگەنمەن اۋرۋ جەڭىلىرەك بولادى»، - دەپ ءتۇسىندىردى ديناگۇل باەشيەۆا.
