قورقىنىشتى نارسە. ەرتەدە كەمپىرلەردىڭ بەسىككە ءمىنىپ، ات سەكىلدى شاپقانى راس پا؟
جەلى قولدانۋشىلارىنىڭ سوزىنشە، بۇل ەلىمىزدىڭ باتىس وڭىرلەرىندە كەزدەسەتىن سالت. الايدا ەتنوگراف مامان بولات بوپاي ۇلى قازاق حالقىندا مۇنداي ءداستۇر بولماعانىن ايتادى.
مامان بالانى بەسىككە بولەۋدىڭ ءتۇپ ماعىناسىن ءتۇسىندىردى.
«قازاقتىڭ ۇلى تاريحىندا» اعاش بەسىكتەن جەر بەسىككە «دەيىن ماقال بار عوي. ياعني بالا كۇننەن قارتايعانعا دەيىن دەگەن ماعىنادا عوي. سوندىقتان قازاق بالا وسكەن، بالا بولەگەن بەسىكتى كيەلى سانايدى. بەسىكتەگى بالا بەس تۇلەيدى. بەسىككە كيىم- كەشەك ىلمەيدى. بەسىكتىڭ باسىنا ۇكى تاعىپ، دۇعا جازىپ قويىپ، تۇمار، اسىق- جىلىك بايلاپ قوياتىن»، - دەيدى مامان.
بولات بوپاي ۇلىنىڭ سوزىنشە، بەسىككە ايەلدىڭ ءمىنىپ، شابۋ ءداستۇرى قازاقتا بولعان ەمەس.
«ول قولدان جاسالعان، بەرتىنگى ءداستۇردى بۇزىپ جاسالعان نارسە. بەسىككە قولى كيەلى، اۋزى دۋالى، ەل ىشىندە بەدەلى بار، حالىق قۇرمەتتەيتىن انالار عانا بالانى بەسىككە سالعان»، - دەيدى ەتنوگراف.
مامان بەسىكتى كىمدەر تەربەتكەنىن ءتۇسىندىردى.
«ادەتتە بەسىكتى قولى تازا، ءوڭى جىلى ادامدارعا بەسىكتى تەربەتەدى. بەسىككە ءمىنىپ الۋ شابۋ - جامان ىرىم. ونداي ىرىم كادە قازاقتا جوق. باتىس وڭىرلەردە ول ءداستۇر قايدان شىققانىن بىلمەيمىن. ءداستۇردىڭ وزىعى بار، توزىعى بار دەمەكشى ونى جاڭعىرتامىز دەپ بۇرمالاۋ كوپ بولىپ جاتادى. بەسىك توردە تۇرادى. سوندىقتان بەسىكتى ات سياقتى ءمىنىپ الىپ، شابۋ قازاقتا جوق ىرىم. ءبىر سوزبەن ايتقاندا ەرتەدە قازاق بەسىكتە وسكەن بەرەكەلى ۇرپاق. سوندىقتان بەسىكتى قازاق ەسىرگەن جاعدايدا دا دالاعا تاستامايدى. بەسىكتىڭ ۇستىنە كەمپىر ءمىنىپ الۋى - قورقىنىشتى نارسە. بەسىكتى ات سياقتى ءمىنۋ جوق»، - دەپ ءتۇسىندىردى بولات بوپاي ۇلى.
ماسساگەت
