تۇركياداعى جەر سىلكىنىسى: انتاكيا مەن يسكەندەرۋن اراسىندا جول بۇزىلىپ، تەڭىز دەڭگەيى كوتەرىلۋى ىقتيمال
Habertürk تەلەارناسىنىڭ حابارلاۋىنشا، تۇركيانىڭ وڭتۇستىك- شىعىسىندا ۇيلەر قيراعان، ازىرگە ولاردىڭ سانى قانشا ەكەنى بەلگىسىز. جەراستى ءدۇمپۋى سيريا، ليۆان، كيپر ەلدەرىندە، ءتىپتى يزرايلدە دە سەزىلگەن.
Anadolu اگەنتتىگىنىڭ حابارلاۋىنشا، كورشىلەس پروۆينتسيالار مەن سيريا، ليۆان، يوردانيا، يراك، پالەستينا، يزرايل مەن ليۆاندا دا سەزىلگەن. ليۆاندا جەر سىلكىنىسى ەل استاناسى بەيرۋت قالاسىن قوسا العاندا ەلدىڭ بارلىق ايماعىندا بىلىنگەن.
سيريادا ءزىلزالانىڭ گۇرىلىن يدليب، الەپپو، حامى، افرينا، اازازا، دجەرابلۋسا، ەل- بابا مەن تەلل- ابيادادا سەزگەن. حالىق قاۋىپتەنىپ، ۇيلەرىنەن جۇگىرىپ شىعىپ جاتىر.
تۇركيانىڭ انتاكيا مەن يسكەندەرۋن قالالارىنداعى جولعا جەر سىلكىنىسى ەكى رەت قايتالانعان سوڭ زاقىم كەلگەن.
AFAD ازاماتتارعا تەڭىز دەڭگەيىنەن 50 س م- گە كوتەرىلۋ ىقتيمالدىلىعىنا بايلانىستى جاعالاۋدان اۋلاق جۇرۋگە كەڭەس بەرىپ وتىر.
تۇركيا ۆيتسە- پرەزيدەنتى فۋات وكتاي تۇرعىندارعا زاقىم كەلگەن عيماراتتارعا جاقىن جۇرمەۋدى ەسكەرتىپ جاتىر.
وسىعان دەيىن حاتاي قالاسىنا قاراستى دەفنە اۋدانىندا دۇيسەنبى كۇنى 6,4 ماگنيتۋدالىق جەر سىلكىنىسى تىركەلگەنى حابارلاندى. كەشىرەك تاعى قۋاتى 5,8 ماگنيتۋداعا جەتەتىن تاعى ءبىر جەر سىلكىنىسى بولدى.
اۆتور
ايدار وسپاناليەۆ
