جىلجىمايتىن مۇلىكتى ۇيدە وتىرىپ تىركەۋگە قويۋعا بولادى

استانا. قازاقپارات - الداعى ۋاقىتتا جىلجىمايتىن مۇلىك يەسىنە قاتىستى دەرەك وزگەرگەن جاعدايدا ول پرواكتيۆتى تۇردە جۇزەگە اسىرىلادى.

اتالعان جاڭاشىلدىقپەن ادىلەت ۆيتسە- ءمينيسترى بەكبولات مولدابەكوۆ ءبولىستى، دەپ حابارلايدى قازاقپارات ءتىلشىسى.

«قازىرگى ۋاقىتتا اتا- انانىڭ كەلىسىمى بويىنشا بالاعا تۋۋ تۋرالى كۋالىك بەرۋ پرواكتيۆتى قىزمەتى ارقىلى قولجەتىمدى. سونىمەن قاتار جىلجىمايتىن مۇلىك يەسىنىڭ مەكەنجايىن اۆتوماتتى تۇردە وزگەرتۋ مۇمكىندىگى بار. اتاپ ايتقاندا، مۇلىك يەسىنىڭ تۇرعىلىقتى مەكەنجايى اۋىسقان جاعدايدا، دەرەك قورىنا اۆتوماتتى تۇردە وزگەرىس ەنگىزىلەدى. سول سياقتى جىلجىمايتىن مۇلىك يەلەرىنە كوممۋنالدىق قىزمەتتەر بويىنشا شارتتار جاساسۋ ءتارتىبى وڭتايلاندىرىلدى. ياعني تۇرعىن ءۇي ساتىپ العاننان كەيىن ونىڭ يەسى استانا، الماتى جانە شىمكەنت قالالارى جانە بقو، قىزىلوردا، ماڭعىستاۋ، تۇركىستان، الماتى، جانە جەتىسۋ وبلىستارىنىڭ تۇرعىنى بولسا، وندا كوممۋنالدىق قىزمەتتەر بويىنشا شارت جاساسۋ تۋرالى حابارلاما SMS ارقىلى كەلەدى»، - بەكبولات مولدابەكوۆ ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

ونىڭ ايتۋىنشا، جىلجىمايتىن مۇلىكتى حقو- عا بارماي- اق www.gosreestr.kz سايتى ارقىلى رەسىمدەۋگە بولادى.

«الداعى ۋاقىتتا جىلجىمايتىن مۇلىك يەسىنە قاتىستى دەرەككە وزگەرىس ەنگىزۋ پرواكتيۆتى قىزمەت ارقىلى جۇزەگە اسىرۋ جوسپارلانۋدا»، - دەيدى ءمينيستردىڭ ورىنباسارى.

بۇعان دەيىن ب. مولدابەكوۆ ەلىمىزدە ادۆوكاتتاردىڭ رەيتينگى جاسالاتىنى تۋرالى ايتىپ وتكەن ەدى.