16:11, 20 - اقپان 2023 | GMT +5
ەرلان قارين گەرمانيا پارلامەنتىنىڭ دەپۋتاتتارىمەن كەزدەستى
استانا. قازاقپارات - مەملەكەتتىك كەڭەسشى گەرمانيا پارلامەنتىنىڭ دەپۋتاتتارىمەن كەزدەستى، دەپ حابارلايدى قازاقپارات اقورداعا سىلتەمە جاساپ.
ق ر مەملەكەتتىك كەڭەسشىسى ەرلان قارين بۋندەستاگتىڭ «گەرمانيا-ورتالىق ازيا» پارلامەنتتىك توبىنىڭ جەتەكشىسى ويگەن شميدت باستاعان دەپۋتاتتارمەن كەزدەسۋ وتكىزدى.
كەزدەسۋ بارىسىندا تاراپتار ەكىجاقتى ىنتىماقتاستىقتىڭ قازىرگى احۋالى مەن پەرسپەكتيۆاسىن قامتىعان اۋقىمدى ماسەلەلەردى تالقىلادى.
ەرلان قارين بۋندەستاگ دەپۋتاتتارىن ەلىمىزدە جۇرگىزىلىپ جاتقان ساياسي رەفورمالاردىڭ ءمان-مازمۇنىمەن جانە الداعى پارلامەنت ءماجىلىسى مەن بارلىق دەڭگەيدەگى ءماسليحات دەپۋتاتتارىن سايلاۋدىڭ ەرەكشەلىكتەرىمەن تانىستىردى.
ءوز كەزەگىندە گەرمانيا پارلامەنتىنىڭ دەلەگاتسياسى قازاقستانداعى ساياسي جاڭعىرۋدىڭ جۇيەلى جۇزەگە اسىپ جاتقانىن جوعارى باعالاپ، ەلىمىزدىڭ دەموكراتيالىق وزگەرىستەرگە باستاعان جولىنا تابىس تىلەدى.
