جارعاق قۇلاق، ءجۇنى تاقىر، ارىق: قازاقى ءيت تۇقىمدارىنىڭ ورتاق ستاندارتى بەكىتىلمەك

استانا. قازاقپارات - اشىق نورماتيۆتىك-قۇقىقتىق اكتىلەر پورتالىندا قازاقى ءيت تۇقىمدارىنىڭ ستاندارتىن بەكىتۋگە قاتىستى بۇيرىق ءماتىنى جاريالاندى، دەپ حابارلادى قازاقپارنات ءتىلشىسى.

بۇيرىقتا قازاقى يتتەردىڭ تازى جانە توبەت تۇرلەرىنىڭ تولىق سيپاتتاماسى بەرىلگەن.

اتاپ ايتقاندا، «جارعاق قۇلاق»، «تاقىر تازى» سياقتى تازىنىڭ تەگىس ءجۇندى تۇرلەرىنە (ىلگەگى مەن شاشاعى جوق) رۇقسات ەتىلەتىندىگى ايتىلادى.

سونىمەن قاتار ستاندارتتىڭ باسقا پارامەترلەرىن ساقتاعان جاعدايدا اقاۋ نەمەسە كەمشىلىك بولىپ سانالمايدى.

«بويى ورتا جانە ورتادان جوعارى، مىقتى دەنەسى بار ارىقتاۋ ءيت، سوزىلۋ يندەكسى - 103»، - دەپ سيپاتتالادى ستاندارتتا تازى تۇقىمى جايىندا.

سونىمەن قاتار توبەت ءيتتىڭ دە سيپاتتاماسى بەرىلگەن.

«شوقتىعىنىڭ بيىكتىگى قۇيىمشاعىنداعى بيىكتىككە تەڭ. باسىنىڭ ۇزىندىعى شوقتىقتاعى بيىكتىكتىڭ كەمىندە 40 پايىزىن قۇرايدى. دەنە تۇرقىنىڭ ۇزىندىعى شوقتىقتاعى بيىكتىكتەن شامامەن 10 پايىزعا اسىپ تۇسەدى، بۇل رەتتە توبەتتەر قانشىقتارعا قاراعاندا ءبىرشاما جيناقى. توبەتتەردىڭ وڭتايلى بويى 72 - 76 سانتيمەتر، قانشىقتاردىكى 68 - 72 سانتيمەتر»، - دەلىنگەن ستاندارتتا.

بۇيرىق 2023 -جىلعى 1-شىلدە كۇنى قولدانىسقا ەنگىزىلمەك.

فوتو: mydog.press