قازاقستان ت م د- دا تاكسي باعاسى ەڭ قىمبات ەلدەردىڭ قاتارىندا
Energyprom.kz پورتالىنىڭ مالىمەتىنشە، وڭىرلەر اراسىندا تاكسي ءوسىمىنىڭ باعاسى اتىراۋ تۇرعىندارىنىڭ قالتاسىنا سالماق سالدى.
وڭىردە قىزمەت قۇنى 1 جىل ىشىندە 37,5 پايىزعا قىمباتتاپ وتىر. ودان كەيىنگى ورىنداردا جەتىسۋ (33 پايىز) مەن اباي وبلىستارى (31,2) تۇر.
ال اقمولا وبلىسىندا تاكسي قىزمەتى جىل ىشىندە نە ءبارى 0,5 پايىزعا كوتەرىلسە، قاراعاندى، تۇركىستان جانە ۇلىتاۋ وبلىستارىندا باعا ءبىر جىل بۇرىنعى دەڭگەيدە.
Numbeo مالىمەتىنە سايكەس، 2023 -جىلدىڭ 14- اقپانىنداعى مالىمەت بويىنشا ستاندارتتى تاريف بويىنشا 1 شاقىرىمعا تاكسي قىزمەتىنىڭ ەڭ تومەنگى باعاسى مىسىر (0,16 دوللار)، پاكىستان (0,19) جانە بەلارۋستا (0,2) تىركەلگەن.
ت م د ەلدەرى اراسىندا تاكسي قىزمەتى ەڭ ارزان ەلدەردىڭ وندىعىنا ارمەنيا مەن وزبەكستان (0,26 دوللاردان)، ۋكراينا، مولدوۆا جانە رەسەي (0,27) كىرەدى.
ال تاكسي قىزمەتى قىمبات ەلدەردىڭ قاتارىندا قازاقستان (0,44 دوللار) مەن ازەربايجان (0,59) بار.
ەڭ قىمبات تاكسي قىزمەتى مىنا ەلدەردە تىركەلگەن: شۆەيتساريا (4,25 دوللار)، كۋۆەيت (3,27) جانە يامايكا (3,26).
ايتا كەتەرلىگى، وتكەن جىلدىڭ قاڭتار- جەلتوقسانىندا ەلىمىزدە تاكسي قىزمەتىن كورسەتەتىن كومپانيالاردىڭ تابىسى قۇندىق ماندە جىل ىشىندە 16 پايىزعا ارتىپ، 5 ميلليارد تەڭگەگە دەيىن جەتتى.
وتكەن جىلى تاكسي قىزمەتىن 2,4 ميلليارد جولاۋشى قولداندى. بۇل ءبىر جىل بۇرىنعى كورسەتكىشتەن 1,2 پايىزعا از.
اۆتور
مارلان جيەمباي
