تۇركياعا كومەككە اتتانعان قۇتقارۋشىلارىمىزدىڭ ءبىر توبى ەرتەڭ ەلگە ورالادى

استانا. قازاقپارات - تۇركيادا بولعان الاپات جەر سىلكىنىسىنەن كەيىن ىزدەۋ-قۇتقارۋ جۇمىسىمەن اينالىسقان قازاقستاندىق قۇتقارۋشىلار ەلگە قايتادى، دەپ حابارلايدى قازاقپارات.

توتەنشە جاعدايلار مينيسترلىگى باسپا ءسوز قىزمەتىنىڭ مالىمەتىنشە، قۇتقارۋشىلاردىڭ ءبىرىنشى ەشەلونى تۇركيادان الماتى قالاسىنا 2023-جىلعى 18- اقپاندا ساعات 23.10 دا كەلەدى.

ەسكە سالا كەتەيىك، قازاقستان قۇتقارۋشىلارى مىنگەن بورت 7- اقپان كۇنى گازيانتەپكە اتتانعان بولاتىن.

ماماندارىمىزدىڭ ەكىنشى توبى گازيانتەپكە كەشكە كەشقۇرىم جەتتى.

قازاقستاندىق قۇتقارۋشىلار تۇركيادا ءۇيىندى استىنان 88 ادامنىڭ دەنەسىن شىعاردى جانە 7 ادامدى قۇتقاردى.