ەلىمىزدە جانۋارلاردى ازاپتاۋ فاكتىلەرى ارتقان
بيىل قاڭتاردا ەلىمىزدە جانۋارلارعا قاتىگەزدىك تانىتقان 5 جاعداي تىركەلدى. بىلتىر وسى ۋاقىتتا 8 جاعداي بولعان.
سونىمەن قاتار بالىق اۋلاۋ جانە باسقا دا سۋ جانۋارلارى مەن وسىمدىكتەردى زاڭسىز وندىرۋگە قاتىستى 11 جاعداي تىركەلىپ وتىر. بىلتىر 9 ءىس تىركەلگەن.
ودان بولەك، سيرەك كەزدەسەتىن جانە جويىلىپ كەتۋ قاۋپى بار جان-جانۋارلار، سونداي-اق پايدالانۋعا تىيىم سالىنعان وسىمدىكتەر مەن جانۋارلارعا قاتىگەزدىك تانىتۋعا قاتىستى 17 قىلمىستىق ءىس قوزعالعان.
ءبىر جىل بۇرىن 12 قىلمىس تىركەلگەن.
بيىل قاڭتاردا زاڭسىز اۋلاۋ وتكەن جىلعا قاراعاندا 17 دەن 12 جاعدايعا دەيىن ازايعان.
جانۋارلارعا قاتىگەزدىكپەن قاراۋعا قاتىستى ەڭ كوپ قىلمىستىق قۇقىق بۇزۋشىلىقتار پاۆلودار وبلىسىندا تىركەلدى.
وتكەن قاڭتار ايىندا 3 جاعداي (ءبىر جىل بۇرىن ەش جاعداي تىركەلمەگەن) بولدى.
زاڭسىز بالىق اۋلاۋ قاراعاندى وبلىسىندا ءجيى بولعان، ءبىر ايدا 5 جاعداي تىركەلدى.
جەتىسۋ وبلىسى زاڭسىز اڭ اۋلاۋ بويىنشا ەرەكشەلەنىپ، قاڭتاردا 3 قۇقىق بۇزۋشىلىق جاسالدى.
سيرەك كەزدەسەتىن جانە جويىلىپ كەتۋ قاۋپى بار جانۋارلار مەن وسىمدىكتەرگە قاۋپى كوبىنە اقتوبە وبلىسىندا تىركەلدى.
بيىل قاڭتاردا 4 قۇقىق بۇزۋشىلىق بولدى، بۇعان دەيىن ءبىر دە ءبىر جاعداي بولماعان.
ەسكە سالا كەتەيىك، الماتىدا 8 اقپاننان باستاپ جانۋارلاردى اۋلاۋ، ۋاقىتشا ۇستاۋ، جويۋ، سونداي-اق، ءۇي جانۋارلارىن ۇستاۋ مەن سەرۋەندەتۋدىڭ جاڭا ەرەجەلەرى كۇشىنە ەندى.
جاڭا قاعيداعا سايكەس قاڭعىباس جانۋارلاردى اۋلاعانادا ولارعا ەشقانداي زالال كەلمەۋى ءتيىس.
