ۇلتتىق قاۋىپسىزدىك كوميتەتىنىڭ وكىلى چەلاحتىڭ مالىمدەمەسىنە قاتىستى پىكىر ءبىلدىردى
سەنات كۋلۋارىندا جۋرناليستەر شەكارا قىزمەتىنىڭ ديرەكتورىنان 2012-جىلى «ارقانكەرگەن» بەكەتىندە بولعان وقيعاعا قاتىستى بار شىندىقتى ايتامىن دەگەن چەلاحتىڭ مالىمدەمەسىنە قاتىستى پىكىر ءبىلدىرۋىن سۇرادى.
«بۇل جەردە پىكىر ءبىلدىرۋ ارتىق دەپ ويلايمىن. وقيعا بولعان جىلى قىلمىستىق ءىس قوزعالدى. سول كەزدە جاعداي تولىق انىقتالدى دەپ ويلايمىن. ونىڭ نە ايتقىسى كەلەتىنىن بىلمەيمىن. قىلمىستىق ءىس ءجۇردى، تەرگەۋ تولىق كولەمدە ءوتتى، بۇل ناتيجەلەر قيسىندى سوڭىنا دەيىن جەتكىزىلدى. ەگەر مالىمدەمەلەرى بولسا، سوعان قارايىق، اڭگىمە نە تۋرالى ەكەن، ويتكەنى قازىر ونىڭ نە ايتارىن بىلمەيمىن»، - دەدى ەرلان الداجۇمانوۆ.
ونىڭ ايتۋىنشا، شەكارا قىزمەتىنىڭ قىزمەتتىك ۇستانىمى تەرگەۋ ۇستانىمى مەن سوتتىڭ قورىتىندىسىنا سايكەس كەلەدى.
ەسكە سالايىق، بۇعان دەيىن ءبىرقاتار ب ا ق ۆلاديسلاۆ چەلاح «ارقانكەرگەن» بەكەتىندەگى 15 ادامنىڭ ولىمىنە قاتىستى جاعدايدى تۇسىندىرۋگە دايىن ەكەنىن مالىمدەگەنىن حابارلاعان بولاتىن. چەلاح 2012-جىلعى مامىردا «ارقانكەرگەن» شەكارا بەكەتىندە 14 قىزمەتتەسى مەن ءبىر ورمانشىنى ءولتىردى دەپ ايىپتالعان بولاتىن.
