11:28, 16 - اقپان 2023 | GMT +5
ەكىباستۇزدا سۋ باسقان ۇيدەن ەكى ادامنىڭ دەنەسى تابىلدى
استانا. قازاقپارات - ەكىباستۇزدا سۋ باسقان ۇيدەن ەر جانە ايەل ادامنىڭ دەنەسى تابىلدى، دەپ حابارلايدى قازاقپارات Polisia.kz سايتىنا سىلتەمە جاساپ.
سايتتاعى مالىمەتتەرگە قاراعاندا، 13- اقپان كۇنى ەكىباستۇز قالاسىنىڭ تۇرعىنىنان ب. جىراۋ كوشەسى مەكەنجايى بويىنشا جىلىتۋ رادياتورلارىنىڭ زاقىمدانۋىنا بايلانىستى تۇرعىن ءۇي- جايدى سۋ باسقانى تۋرالى حابارلاما كەلىپ ءتۇستى.
شاقىرتۋدى پىسىقتاۋ بارىسىندا جەر ۇيدەن 1959 -جىلى تۋعان ەر ادامنىڭ جانە 1965 -جىلى تۋعان ايەلدىڭ ءمايىتى تابىلدى. مايىتتەردە زورلىق- زومبىلىق بەلگىلەرى جوق.
«تەكسەرۋ كەزىندە قوناق بولمەسىندە ەدەندە ەلەكتر جىلىتقىشى تۇرعانى جانە ونىڭ سىمدارى اشىق جاتقانى انىقتالدى. بۇل فاكتى ەكىباستۇز قالاسىنىڭ پ ب- دا تىركەلدى»، - دەلىنگەن حابارلامادا.
