ناتونىڭ باس حاتشىسى تۇركيانىڭ جەر سىلكىنىسىنەن زارداپ شەككەن ايماقتارىنا بارادى

بريۋسسەل. قازاقپارات - ناتونىڭ باس حاتشىسى يەنس ستولتەنبەرگ 15-16-اقپاندا تۇركيانىڭ جەر سىلكىنىسىنەن زارداپ شەككەن ايماقتارىن ارالايدى، دەپ حابارلايدى قازاقپارات ءتىلشىسى.

ناتو باسپا ءسوز قىزمەتىنىڭ حابارلاۋىنشا، يەنس ستولتەنبەرگ انكارادا تۇركيا رەسپۋبليكاسىنىڭ پرەزيدەنتى رەجەپ تايىپ ەردوعانمەن جانە سىرتقى ىستەر ءمينيسترى ميەۆليۋت چاۆۋشوعلۋمەن كەزدەسەدى.

ەستەرىڭىزگە سالا كەتەيىك، 6-اقپاندا تۇركيانىڭ كاحرامانماراش پروۆينسياسىندا ماگنيتۋداسى 7 بالدان اساتىن ەكى جەر سىلكىنىسى بولدى. ءزىلزالا ەلدىڭ 10 پروۆينسياسىندا، سونداي-اق كورشىلەس مەملەكەتتەردە، سونىڭ ىشىندە سيريادا دا سەزىلدى.

ەل پرەزيدەنتى رەجەپ تايىپ ەردوعان تابيعي اپات قۇرباندارىنا بايلانىستى تۇركيادا جەتى كۇندىك ۇلتتىق ازا تۇتۋ جاريالادى.

ءزىلزالادان قازا تاپقاندار سانى 31 مىڭنان استى.