قازاقستاندا قانشا كولىك بار - ستاتيستيكا

استانا. قازاقپارات - بيىل 1-قاڭتارداعى دەرەك بويىنشا قازاقستاندا 4 ميلليون 449,3 مىڭ اۆتوكولىك تىركەلگەن. بۇل تۋرالى قازاقپارات ءتىلشىسى ۇلتتىق ستاتيستيكا بيۋروسىنا سىلتەمە جاساپ حابارلايدى.

ۇ س ب ۇسىنعان مالىمەتكە ساي، ەلىمىزدە تىركەلگەن كولىكتەردىڭ 87,9 پايىز - جەڭىل كولىكتەر، 10 پايىز - جۇك جانە 2,1 پايىز - اۆتوبۋستار. 2021 -جىلدىڭ سايكەس كەزەڭىمەن سالىستىرعاندا بىلتىر اۆتوكولىكتەردىڭ سانى 3,7 پايىزعا كوبەيدى.

تىركەلگەن تەمىرتۇلپارلاردىڭ اراسىندا شىعارىلعان مەرزىمى 20 جىل اسقان كولىكتەر ۇلەسى - 51 پايىز. 10 جىلدان 20 جىلعا دەيىن قولدانىستاعى كولىكتەر وتاندىق اۆتوپاركتىڭ 21 پايىز قۇرايدى. ال شىعارىلعانىنا 3 جىل تولماعان اۆتوموبيلدەر كولەمى 8 پايىزعا تەڭ.

سونداي-اق، 1-قاڭتارداعى جاعداي بويىنشا كولىك قۇرالدارى يەلەرىنىڭ ازاماتتىق- قۇقىقتىق جاۋاپكەرشىلىگىن مىندەتتى ساقتاندىرۋ بويىنشا ۇيىمدار 49,1 ميلليارد تەڭگەگە 92146 ساقتاندىرۋ تولەمدەرىن جۇزەگە اسىرعان بۇل قاراجات 2021 -جىلمەن سالىستىرعاندا 29,5 پايىزعا ارتىق.