قازاقستاندىقتار تۇركيا حالقىنا قانشا قاراجات جيناپ بەردى
«جەر سىلكىنىسىنەن زارداپ شەككەندەرگە ارنالعان كومەك شوتىنا بۇگىن قازاقستاندا جينالعان 216 مىڭ ا ق ش دوللارى AFAD-تىڭ (تۇركيانىڭ توتەنشە جاعدايلار باسقارماسى - رەد. ) رەسمي شوتىنا اۋدارىلدى. وسىلايشا، قايىرىمدىلىقتىڭ جالپى كولەمى 3 ميلليون 616 مىڭ ا ق ش دوللارىن قۇرادى»، - دەلىنگەن تۇركيا ەلشىلىگىنىڭ مالىمەتىندە.
بۇعان دەيىن ەلشىلىك: «قازاق باۋىرلارىمىز قايىرىمدىلىق رەتىندە بەرگەن 84 ۇلتتىق قازاق ءۇيى جەر سىلكىنىسىنەن زارداپ شەككەندەرگە كومەك رەتىندە اپات ورنىنا جەتكىزىلدى»، - دەپ جازعان ەدى. قازاقپارات ءتىلشىسى تۇركيادان حابارلاعانداي، كيىز ۇيلەرمەن قوسا، قازاقستان جىبەرگەن گۋمانيتارلىق جۇكتەر دە بار.
ەسكە سالايىق، پرەزيدەنت قاسىم-جومارت توقايەۆتىڭ تاپسىرماسىمەن تۇركيا رەسپۋبليكاسىنا گۋمانيتارلىق كومەك رەتىندە 1 ميلليون دوللار بولىنگەن ەدى. 15-اقپان كۇنى بەلگىلى بولعانداي، ۇكىمەت اتالعان ەلگە قوسىمشا 55 تونناعا جۋىق گۋمانيتارلىق جۇك جىبەرەتىن بولدى.
بۇگىنگە دەيىن قازاقستاندىق قۇتقارۋشىلار ۇيىندىلەر استىنان 7 ادامدى قۇتقارىپ، 88 ادامنىڭ ءمايىتىن الىپ شىقتى.
سوڭعى مالىمەتكە سايكەس، 6-اقپان كۇنى بولعان ءزىلزالادان كوز جۇمعاندار سانى 35 مىڭنان استى.
