22:49, 15 - اقپان 2023 | GMT +5
قازاقستان مەن وزبەكستاندا سوتتالعاندار جازاسىن ءوز ەلىندە وتەي الادى
استانا. قازاقپارات - مەملەكەت باسشىسى «قازاقستان رەسپۋبليكاسى مەن وزبەكستان رەسپۋبليكاسى اراسىنداعى باس بوستاندىعىنان ايىرۋعا سوتتالعان ادامداردى جازاسىن ودان ءارى وتەۋ ءۇشىن بەرۋ تۋرالى شارتتى راتيفيكاتسيالاۋ تۋرالى» قازاقستان رەسپۋبليكاسىنىڭ زاڭىنا قول قويدى. بۇل تۋرالى قازاقپارات اقورداعا سىلتەمە جاساپ حابارلايدى.
قازىرگى كەزدە قازاقستاننىڭ باس بوستاندىعىنان ايىرۋ مەكەمەلەرىندە 486 وزبەكستان ازاماتى جازاسىن وتەپ جاتىر. ال، وزبەكستاندا سوتتالعان قازاقستاننىڭ 20 ازاماتى بار. وسى ورايدا، ق ر باس پروكۋرورىنىڭ ورىنباسارى اسەت شىنداليەۆ بۇل شارتتىڭ الەۋمەتتىك ماڭىزىن اتاپ وتكەن ەدى. ايتۋىنشا، وتباسى مۇشەلەرىمەن، جاقىندارىمەن كەزدەسىپ تۇرۋ سوتتالعان ادامعا وڭ ىقپال ەتەتىنى ءسوزسىز. سوتتالعانداردى تۇزەتۋ ماقساتى - تەك قانا ولاردى جازالاۋ ەمەس، سونىمەن بىرگە تاربيەلىك ىقپال ەتۋ، الەۋمەتتىك بايلانىستاردى ساقتاۋ.
