وسكەمەندە ءبىرقاتار مەكتەپتە وقۋشىلار ءۇشىنشى كۇن قاتارىنان ساباق وقي الماي وتىر
ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، بۇگىن تۇسكى ۋاقىتتا قالاداعى بىرنەشە مەكتەپكە بومبا قويىلعانى تۋرالى حابار ءتۇستى.
«مامانداندىرىلعان قىزمەتتەر دەرەۋ مەكتەپتەرگە كەلىپ جەتتى. ءبىلىم وردالارىنىڭ قىزمەتكەرلەرى مەن وقۋشىلار قاۋىپسىز جەرگە كوشىرىلدى. قازىرگى ۋاقىتتا عيماراتتار ءىشى تەكسەرىلۋدە. حالىقتان سابىرلىق تانىتۋدى جانە ەنگىزىلگەن شەكتەۋلەرگە تۇسىنىستىكپەن قاراۋدى سۇرايمىز»، - دەلىنگەن اقپاراتتا.
ايتا كەتەيىك، بۇل سوڭعى 10 كۇندە مەكتەپتەرگە بومبا قويىلعانى تۋرالى التىنشى حابار. سونىڭ سالدارىنان اپتا باستالعالى بەرى بىرنەشە مەكتەپ وقۋشىلارى ساباق وقي الماي وتىر.
ەسكە سالساق، ەڭ ءبىرىنشى 6- اقپاندا وسكەمەندە سوتقا جانە مەكتەپكە بومبا قويىلعانى حابارلانعان.
الايدا تەكسەرۋ بارىسىندا ەشقانداي جارىلعىش زات تابىلمادى.
كەشە بومبا جايلى حاباردان سوڭ 23 مەكتەپتە وقۋشىلار ساباق وقىماعان بولاتىن.
