13:38, 14 - اقپان 2023 | GMT +5
قاسىم- جومارت توقايەۆ ۇكىمەتكە تۇركياعا قوسىمشا گۋمانيتارلىق كومەك جىبەرۋ جونىندە تاپسىرما بەردى
استانا. قازاقپارات - پرەزيدەنت قاسىم- جومارت توقايەۆ تۇركيا رەسپۋبليكاسىنا قوسىمشا گۋمانيتارلىق كومەك جىبەرۋ جونىندە ۇكىمەتكە تاپسىرما بەردى، دەپ حابارلايدى اقوردانىڭ باسپا ءسوز قىزمەتى.
مەملەكەت باسشىسىنىڭ تاپسىرماسى بويىنشا جەر سىلكىنىسى بولعان اۋداندارداعى زارداپ شەككەندەرگە كومەك كورسەتۋ ءۇشىن شاتىرلار، جىلىتقىشتار، جىلى كيىمدەر جانە باسقا دا ەڭ قاجەتتى زاتتار جىبەرىلەدى.
ايتا كەتەيىك، كەشە قازاقستان وڭىرلەرىنەن تۇركياعا 150 توننا گۋمانيتارلىق كومەك، 35 ميلليون تەڭگە قاراجات جينالعانىن جازعان بولاتىنبىز.
رەداكتور
ەربول جانات
