تۇركيادا ءۇيىندى استىندا امان العان قىزدىڭ ادام سەنگىسىز وقيعاسى

استانا. قازاقپارات - تۇركيانىڭ گازيانتەپ قالاسىندا ءبىر وتباسىنىڭ بەس ادامى - اتا-اناسى، ۇلى جانە ەكى قىزى ۇيىندىلەردەن قۇتقارىلدى.

امان قالعان 28 جاستاعى فارماتسيەۆت گيزەم وزكان وقيعا قالاي بولعانىن ايتىپ بەردى، - دەپ حابارلايدى «الماتى» تەلەارناسى.

تەلەارنا مالىمەتىنشە، امان قالعان قىز ۇيىندىلەر استىندا ەكى تاۋلىكتەي جاتقان.

«ەڭ قيىنى جەر سىلكىنىسىنەن كەيىنگى العاشقى ساعاتتار. سەن دەم الا المايسىڭ، اۋىر زاتتىڭ استىندا قىسىلىپ قالاسىڭ. اينالاڭدا شىعاتىن جەر جوق. جان-جاعىڭنان قىسىلىپ قالاسىڭ. ال ءبىر ساعاتتان كەيىن ادام ۇيرەنە باستايدى. داۋىستار ەستىپ، امان قالۋعا مۇمكىندىگىڭ بارىن تۇسىنەسىڭ، ەسىڭدى جيا باستايسىڭ»، - دەيدى گيزەم وزكان.

حاتاي پروۆينسياسىندا ءۇيىندى استىندا التى تاۋلىك بويى جاتقان ەكى ايلىق نارەستە امان قالعان. الەۋمەتتىك جەلىدە قۇتقارۋشىلار نارەستەنى امان الىپ شىققان ءساتتىڭ ۆيدەوسى تاراعان.

massaget.kz