تۇركيانىڭ قازاقستانداعى ەلشىلىگى حالىققا ۇندەۋ جولدادى

استانا. قازاقپارات – ەلشىلىك كورسەتىلەتىن كومەكتىڭ ءتىزىمىن جاريالادى.

تۇركيانىڭ قازاقستانداعى ەلشىلىگى قازاقستاندىقتارعا ۇندەۋ جولدادى. ەلشىلىك تۇركيانىڭ وڭتۇستىك- شىعىسىنداعى جەر سىلكىنىسىنەن زارداپ شەككەندەرگە قاجەتتى زاتتاردىڭ ءتىزىمىن ناقتىلادى.

«جەر سىلكىنىسىنەن كەيىنگى ءبىرىنشى كەزەكتەگى قاجەتتىلىكتەر مەن لوگيستيكالىق مۇمكىندىكتەرگە بايلانىستى، ءبىزدىڭ ەلشىلىككە/ باس كونسۋلدىققا كورسەتىلەتىن كومەك تەك تومەندە كەلتىرىلگەن ماتەريالدارمەن شەكتەلسە دەگەن ءوتىنىشىمىز بار»، - دەلىنگەن حابارلامادا.

تۇركياداعى جەر سىلكىنىسىنەن زارداپ شەككەندەر ءۇشىن كەلەسى زاتتار قاجەت:

شاتىر،

گەنەراتور،

جىلىتقىش،

كورپە،

ۇيىقتايتىن سومكە.

كومەكتى استانا قالاسى، جۇمابەك تاشەنوۆ كوشەسى، 3-مەكەنجايى بويىنشا ق ر-داعى تۇركيا ەلشىلىگىنە، سونداي-اق الماتى قالاسى، تولە ءبي كوشەسى، 29-مەكەنجايى بويىنشا تۇركيانىڭ الماتىداعى باس كونسۋلدىعىنا اپارۋعا بولادى.

فوتو: اشىق دەرەككوزدەن