ە و تۇركيادا جەر سىلكىنىسىنەن زارداپ شەككەندەرگە قوسىمشا قولداۋ كورسەتەدى

بريۋسسەل. قازاقپارات - جەكسەنبى كۇنى ەۋروپالىق كوميسسيا پرەزيدەنتى ۋرسۋلا فون دەر ليايەن تۇركيا پرەزيدەنتى رەجەپ تايىپ ەردوعانمەن تەلەفون ارقىلى سويلەستى، دەپ حابارلايدى قازاقپارات مەنشىكتى ءتىلشىسى.

ەۋروكوميسسيا باسپا ءسوز قىزمەتى اتاپ وتكەندەي، ۋرسۋلا فون دەر ليايەن جاقىندا بولعان جەر سىلكىنىسىنە بايلانىستى ەۋروپالىق وداققا كوڭىل ايتىپ، ەۋرووداقتىڭ تۇركيانى قولداۋ قادامدارىن تالقىلادى.

«ەۋروپالىق كوميسسيا اۋەلدەن تۇرىك حالقىنىڭ جاعىندا بولدى، جويقىن جەر سىلكىنىسىنەن كەيىن وتە تەز جان- جاقتى قولداۋ كورسەتتى»، - دەلىنگەن ەۋروكوميسسيا مالىمدەمەسىندە.

ە و قازىردىڭ وزىندە ازاماتتىق قورعاۋ مەحانيزمى ارقىلى تۇركياعا ايتارلىقتاي قولداۋ كورسەتتى: ە و- عا مۇشە 21 مەملەكەت جانە ە و- نىڭ ازاماتتىق قورعاۋ مەحانيزمىنە (UCPM) قاتىسۋشى ءۇش مەملەكەت 1651 ادامنان جانە 106 ىزدەستىرۋ- قۇتقارۋ يتتەرىنەن تۇراتىن 38 ارەكەت ەتۋ توبىن جىبەردى. ە و- عا مۇشە ون ەكى مەملەكەت پانالاۋ زاتتارىن ۇسىندى (50 مىڭ وتباسىلىق قىسقى شاتىر، 100 مىڭ كورپە جانە 50 مىڭ جىلىتقىش).

ەۋروپالىق كوميسسيانىڭ توتەنشە جاعدايلاردى جويۋ جونىندەگى ۇيلەستىرۋ ورتالىعى RescEU رەزەرۆىنەن 500 تۇرعىن ءۇي ۇيىمداستىرىلدى، سونداي- اق رۋمىنيا 2 مىڭ شاتىر مەن 8 مىڭ توسەك- ورىن ورنالاستىردى.

داعدارىستى باسقارۋ جونىندەگى ەۋروكوميسسار يانەز لەنارچيچ گازيانتەپ قالاسىنا (تۇركيانىڭ وڭتۇستىك- شىعىسى) باردى.

ەۋروكوميسسيا پرەزيدەنتى ۋرسۋلا فون دەر ليايەن تۇركيا پرەزيدەنتى رەجەپ ەردوعانعا ەو اتقارۋشى ورگانى قوسىمشا قولداۋ جۇمىلدىراتىنىن جانە تۇركيانىڭ شاتىرلار، كورپەلەر، جىلىتقىشتار بەرۋ تۋرالى وتىنىشىنە جاۋاپ بەرەتىنىن حابارلادى.

جەدەل كومەك كورسەتۋدەن باسقا، ە ك پرەزيدەنتى ۋرسۋلا فون دەر ليايەن شۆەتسيا پرەمەر- ءمينيسترى ۋلف كريستەرسسونمەن بىرلەسىپ تۇركيا مەن سيريا حالقىن قولداۋ ماقساتىندا حالىقارالىق قاۋىمداستىق قاراجاتىن جۇمىلدىرۋ ءۇشىن دونورلىق كونفەرەنتسيا وتكىزەدى.

كونفەرەنسيا تۇرىك بيلىگىمەن ۇيلەستىرىلىپ، ناۋرىز ايىندا بريۋسسەل قالاسىندا وتەدى.

ارسەن وتەشيەۆ

فوتو: ArtJazz /Getty Images Pro

اۆتور

اقبوپە ءابدراسۋل