استانادا كولىكتەرگە اۆتوبۋس جولاعىمەن جۇرۋگە رۇقسات بەرىلۋى مۇمكىن

استانا. قازاقپارات - استانادا اۆتوموبيلدەردىڭ قوعامدىق كولىككە ارنالعان جولاقتا قاربالاس ۋاقىتتان تىس جانە دەمالىس كۇندەرى ءجۇرۋ مۇمكىندىگى قاراستىرىلىپ جاتىر.

بۇل جايىندا ەلوردا اكىمدىگىنىڭ رەسمي سايتى قالالىق كولىك جانە جول- كولىك ينفراقۇرىلىمىن دامىتۋ باسقارماسىنا سىلتەمە جاساپ حابارلادى.

ەلوردادا وسى ماسەلەنى شەشۋ بويىنشا ونلاين داۋىس بەرۋ باستالدى، ول 2023 -جىلعى 10-27- اقپان ارالىعىندا جالعاسادى.

پيلوتتىق جوبا ابىلاي حان داڭعىلىندا ا. پۋشكين- ماناس كوشەسى ارالىعىنا دەيىن ەنگىزىلدى.

بۇل كوشەلەردە قاربالاس ۋاقىتتان تىس ۋاقىتتا قاراپايىم كولىكتەردىڭ جۇرۋىنە بولادى.

ال تاڭەرتەڭگى ساعات 07.30-دان 9.30-عا دەيىن جانە كەشكى ساعات 17.00-دەن 20.00-گە دەيىن اۆتوبۋس جولاعىمەن جۇرۋگە تىيىم سالادى.

استانالىقتار مىنا سىلتەمەدە ونلاين داۋىس بەرە الادى.

رەداكتور

جانات قاپالبايەۆا