قازگيدرومەت الداعى دەمالىس كۇندەرىنىڭ اۋا رايى بولجامىن جاريالادى

استانا. قازاقپارات - قازاقستان اۋماعىندا 11-13- اقپاندا اۋا رايى قۇبىلمالى بولادى. قار جاۋىپ، جەل جىلدامدىعى 15-23 م/س- كە جەتەدى.

بۇل تۋرالى قازاقپارات «قازگيدرومەت» ر م ك- عا سىلتەمە جاساپ حابارلايدى.

11- اقپاندا تۇركىستان وبلىسىندا، 11-12- اقپاندا جامبىل وبلىسىندا قاتتى جەل سوعىپ، جىلدامدىعى 30 م/س- كە دەيىن جەتەدى. وبلىستىڭ سولتۇستىگىندە، سولتۇستىك-باتىسىندا، شىعىسىندا قارلى بوران سوعادى. رەسپۋبليكا بويىنشا تۇمان ءتۇسىپ، باتىستا، وڭتۇستىكتە، وڭتۇستىك-شىعىستا كوكتايعاق بولادى.

تەمپەراتۋرا كۇرت وزگەرمەيدى، تەك تۇندە اۋا تەمپەراتۋراسى شىعىستا 17-25، وڭتۇستىك-شىعىستا 10-25 كە دەيىن تومەندەيدى. ال رەسپۋبليكانىڭ وڭتۇستىگىندە تەمپەراتۋرا كۇندىز 5 گرادۋس ايازدان 3-8 گرادۋسقا دەيىن كوتەرىلەدى.