وزبەكستان زارداپ شەككەندەرگە كومەكتەسۋ ءۇشىن تۇركيادا دالالىق اسكەري گوسپيتال قۇرادى
وزبەكستاننىڭ سىرتقى ىستەر مينيسترلىگى ۇسىنعان اقپارات بويىنشا، ۇشاق تۇركياعا 9-اقپان كۇنى باردى. ارنايى بورتپەن جەتكەن ماماندار جەر سىلكىنىسىنىڭ سالدارىن جويۋ، تۇرعىندارعا مەديتسينالىق كومەك كورسەتۋ جۇمىسىنا جۇمىلدىرىلادى.
«زارداپ شەككەندەرگە كومەك كورسەتۋ ءۇشىن ءبىر گەكتار الاڭعا 9 جەكە بولىمشەسى بار جىلجىمالى گوسپيتال كەشەنىن قۇرۋ جوسپارلانعان. وندا قورعانىس مينيسترلىگىنە قاراستى مەديتسينالىق جاساقتىڭ 50 قىزمەتكەرى وزدەرىنە جۇكتەلەتىن ءتيىستى مىندەتتەردى اتقارادى»، - دەپ ءمالىم ەتتى ۆەدومستۆودان.
وزبەكستان تاراپى قۇراتىن بۇل دالالىق گوسپيتال بارلىق قاجەتتى مەديتسينالىق قۇرىلعىلارمەن جانە دارىلىك پرەپاراتتارمەن تولىق قامتاماسىز ەتىلەدى.
ەسكە سالا كەتەيىك، بۇعان دەيىن وزبەكستان تۇركياعا گۋمانيتارلىق كومەك پەن قۇتقارۋشىلاردى جىبەرگەنىن حابارلاپ ەدىك. قازىرگى ۋاقىتتاعى دەرەككە سايكەس، تۇركيادا بولعان ءزىلزالا كەزىندە ءبىر وزبەكستاندىق قازا تاپتى.
