ش ق و- دا شوشقا فەرماسىن جابۋعا قاتىستى سوت شەشىمى وزگەرىسسىز قالدى
وسكەمەن قالاسى مەن گلۋبوكوە اۋدانى ستەپنوە، شمەليەۆ لوگ اۋىلدارى حالقىنىڭ نارازىلىعىن تۋعىزعان شوشقا فەرماسىنا قاتىستى تەكسەرۋ بىلتىر جۇرگىزىلگەن بولاتىن. تۇرعىندار شوشقا فەرماسى مەن مال سويۋ الاڭىنان شىققان قالدىقتاردىڭ ادام دەنساۋلىعىنا جانە تابيعي ورتاعا كەلتىرەتىن زيانى تۋرالى ايتقان. ش ق و ەكولوگيا دەپارتامەنتى تەكسەرۋ بارىسىندا تالاي زاڭبۇزۋشىلىقتى انىقتادى.
بەلگىلى بولعانداي، «رودنيچوك» شارۋا قوجالىعىنا تيەسىلى شوشقا فەرماسى جۇمىس ىستەۋگە قاجەتتى ەكولوگيالىق رۇقسات قاعازدارىن راسىمدەمەگەن. شوشقا قالدىقتارى اشىق جەرگە تاستالىپ، سالدارىنان توپىراق جامىلعىسى لاستاندى. سوعان وراي قۇزىرلى دەپارتامەنت فەرما يەسىنە ايىپپۇل سالىپ، كەمشىلىكتەردى تۇزەتۋگە ۋاقىت بەردى. الايدا ودان ەش ناتيجە شىققان جوق. وسىدان سوڭ ءىس ش ق و مامانداندىرىلعان اۋدانارالىق ەكونوميكالىق سوتىندا قارالدى. سوت شوشقا فەرماسىن جابۋ تۋرالى شەشىم شىعارعان.
الايدا فەرما يەسى ۇكىممەن كەلىسپەي، اپەللياتسيالىق سوتقا جۇگىندى. شىعىس قازاقستان وبلىستىق سوتىنىڭ ازاماتتىق ىستەر جونىندەگى سوت القاسىنىڭ 8- اقپان كۇنى جاريالانعان ۇكىمىمەن بۇل شەشىم وزگەرىسسىز قالىپ وتىر.
«ەكولوگيا دەپارتامەنتى بىلتىر تەكسەرۋ قورىتىندىسى بويىنشا شارۋا قوجالىعىنا جالپى سوماسى 1072048 مىڭ تەڭگە ايىپپۇل سالىپ، زاڭبۇزۋشىلىقتاردى جويۋعا ۋاقىت بەرگەن. ءبىراق جەكە كاسىپكەر ۇيعارىمدى ورىنداۋدان باس تارتتى. سودان كەيىن دەپارتامەنت «رودنيچوك» شارۋا قوجالىعىنىڭ قىزمەتىن توقتاتۋ تۋرالى سوتقا تالاپ ارىز جولدادى. ەكونوميكالىق سوت بۇل تالاپتى تولىقتاي قاناعاتتاندىردى. اپەللياتسيالىق سوت قورشاعان ورتاعا كەلتىرىلگەن ورنى تولماس زياندى جانە جەرگىلىكتى تۇرعىنداردىڭ پىكىرىن ەسكەرە وتىرىپ بۇل شەشىمدى وزگەرىسسىز قالدىردى»، - دەپ حابارلادى ش ق و ەكولوگيا دەپارتامەنتىنىڭ باسپا ءسوز قىزمەتىنەن.
فوتو:pig-consultants.com
اۆتور
تالعاتجان مۇحامەتبەك ۇلى
