قاعاز قۇجاتتار جۇيەدەن شىعارىلىپ، جاردەماقىلار پرواكتيۆتى فورماتتا بەكىتىلەدى - ەڭبەك ءمينيسترى
ۆەدومستۆو باسشىسى ءوز سوزىندە اتالعان كودەكس جاڭا الەۋمەتتىك ساياساتتى قۇرۋ ءۇشىن نەگىز بولاتىنىن، ونىڭ باستى ماقساتى ءاربىر وتباسىنىڭ ءال-اۋقاتىن ارتتىرىپ، تۇرمىس ساپاسىن جاقسارتۋ ءىسىنىڭ نەگىزىن قالىپتاستىرۋ ەكەنىن اتاپ ءوتتى. ونى ىسكە اسىرۋ ءۇشىن مەملەكەت، بيزنەس جانە ازاماتتار اراسىندا جاڭا الەۋمەتتىك كەلىسىمشارت جاساۋ كوزدەلگەن.
«الەۋمەتتىك كودەكستى ازىرلەۋ كەزىندە حالىقارالىق تاجىريبە مۇقيات زەردەلەنىپ، ەۋروپا وداعىنىڭ الەۋمەتتىك كودەكسى باسشىلىققا الىندى، ءبىراق بۇل رەتتە ەلىمىزدىڭ ءوز ەرەكشەلىكتەرى جان-جاقتى ەسكەرىلدى. كودەكستىڭ جوباسى 5 بولىمنەن، 19 تاراۋدان جانە 267 باپتان تۇرادى»، - دەدى ت. دۇيسەنوۆا.
وسى ورايدا مينيستر قۇجاتتا قامتىلعان تىڭ قادامدارعا توقتالدى. ءبىرىنشى نوۆەللا - بۇل مەملەكەتتىك ورگانداردىڭ بارلىق قولدانىستاعى اقپاراتتىق جۇيەلەرىنىڭ دەرەكتەرى نەگىزىندە قالىپتاستىرىلاتىن وتباسىنىڭ سيفرلىق كارتاسى (و ت س ك). ونى ەنگىزۋ اياسىندا قازاقستاندىقتار تەڭ دارەجەدە مەملەكەتتىك قولداۋ جۇيەسىنىڭ كومەگىنە سۇيەنە الادى.
«سوندىقتان كودەكستە ءبىز و ت س ك- نى الەۋمەتتىك ساياساتتىڭ ورتا جانە ۇزاق مەرزىمدى مىندەتتەرى مەن باعىتتارىن ايقىنداۋ قۇرالى رەتىندە بەلگىلەدىك. ياعني مەملەكەت كىمگە، قاشان، قانداي كومەك قاجەت ەكەنىن انىقتاپ قانا قويماي، الەۋمەتتىك تاۋەكەلدەردىڭ الدىن الۋ ءىس-شارالارىن قاراستىرۋعا مۇمكىندىك الادى. سونداي-اق، و ت س ك ادامدارعا SMS- حابارلامالار جىبەرۋ ارقىلى مەملەكەتتىك قولداۋدىڭ قانداي ءتۇرىن الۋعا قۇقىلى ەكەندىگى تۋرالى حاباردار ەتەتىن ەلەكتروندىق جارشى قۇرالى قىزمەتىن اتقارادى. جاردەماقىلار مەن تولەمدەر اقپاراتتىق جۇيەدە بار دەرەكتەر نەگىزىندە پرواكتيۆتى فورماتتا بەكىتىلەتىن بولادى. قولدانىستاعى قاعاز قۇجاتتار كەزەڭ-كەزەڭمەن جۇيەدەن شىعارىلادى»، - دەدى تامارا دۇيسەنوۆا.
