الەۋمەتتىك نان باعاسى قىمباتتاماي ما؟ مينيستر جاۋاپ بەردى

استانا. قازاقپارات - «الەۋمەتتىك نان» باعاسى قىمباتتامايدى. بۇل تۋرالى ۇكىمەت وتىرىسىندا اۋىل شارۋاشىلىعى ءمينيسترى ەربول قاراشوكەيەۆ ايتتى، دەپ حابارلايدى قازاقپارات ءتىلشىسى.

«الەۋمەتتىك نان» باعاسىن تۇراقتاندىرۋ بويىنشا جۇمىس جالعاسادى. بيىل اكىمدىكتەردىڭ دەرەكتەرى بويىنشا ارزانداتىلعان بيدايعا جىلدىق قاجەتتىلىك - 308 مىڭ توننا. ازىق-تۇلىك كورپوراتسياسىنىڭ ساتۋ باعاسىن ەسكەرە وتىرىپ تونناسىنا 135 مىڭ تەڭگە، سۋبسيديا مولشەرى تونناسىنا 45 مىڭ تەڭگەنى قۇرايدى. بۇل 13,8 ميلليارد تەڭگە كولەمىندە قاراجات ءبولۋدى تالاپ ەتەدى»، - دەدى مينيستر.

ونىڭ اتاپ وتۋىنشە، ءتيىستى بيۋدجەتتىك ءوتىنىم قارجى مينيسترلىگىنە ەنگىزىلدى.

«اتالعان ءىس-شارالار وڭىرلەردىڭ ۇن تارتاتىن كاسىپورىندارىن بيدايمەن 90 مىڭ تەڭگە بەلگىلەنگەن باعامەن قامتاماسىز ەتۋگە جانە تيىسىنشە قولجەتىمدى باعامەن نان وندىرۋگە مۇمكىندىك بەرەدى. سونداي-اق، ازىق-تۇلىك كورپوراتسياسىنا جەرگىلىكتى اتقارۋشى ورگاندار جۇگىنگەن كەزدە قاراجات بولىنگەننەن كەيىن جوعارىدا كورسەتىلگەن سومادا شىعىنداردى وتەي وتىرىپ، بيداي ساتۋدى باستاۋعا رۇقسات بەرۋىڭىزدى سۇرايمىن»، - دەدى ەربول قاراشوكەيەۆ ۇكىمەت باسشىسى ءاليحان سمايىلوۆقا.