قاسىم-جومارت توقايەۆ ەكىباستۇزداعى جىلۋ ماسەلەسى بويىنشا تاپسىرما بەردى

استانا. قازاقپارات - مەملەكەت باسشىسى قاسىم-جومارت توقايەۆ پرەمەر-ءمينيستردىڭ ءبىرىنشى ورىنباسارى رومان سكليارعا جانە پاۆلودار وبلىسىنىڭ اكىمى اسايىن بايحانوۆقا ەكىباستۇزداعى قالا تۇرعىندارىنىڭ پاتەرلەرىندە جانە الەۋمەتتىك نىسانداردا تەمپەراتۋرا رەجيمىن تۇراقتاندىرۋ ءۇشىن بارلىق قاجەتتى شارانى قابىلداۋدى تاپسىردى.

قازاقپارات بۇل تۋرالى اقورداعا سىلتەمە جاساپ حابارلايدى.

سونىمەن قاتار پرەزيدەنت جىلىتۋ ماۋسىمىن جانە جوندەۋ، قالپىنا كەلتىرۋ جۇمىستارىنىڭ بارىسىن تۇراقتى باقىلاۋدا ۇستاۋعا تاپسىرما بەردى.

ەسكە سالايىق، ەكىباستۇزدا جىلۋمەن جابدىقتاۋ جەلىلەرىندە جوندەۋ جۇمىستارى ءالى دە جالعاسىپ جاتىر.

ەكىباستۇز جىلۋ ەلەكتر ورتالىعىندا اپات وتكەن جىلدىڭ 27-قاراشاسىندا بولدى. سالدارىنان قالا تۇرعىندارى جىلۋسىز قالدى.

28-قاراشا كۇنى تاڭەرتەڭ قالادا جەرگىلىكتى اۋقىمداعى توتەنشە جاعداي جاريالاندى.

باس پروكۋراتۋرا ەكىباستۇزداعى اپاتتى تەرگەۋ ەكى ايعا دەيىن سوزىلاتىنىن ءمالىم ەتتى.

سونىمەن قاتار ۇكىمەتتىڭ كەڭەيتىلگەن وتىرىسىنا قاتىسقان پرەزيدەنت قاسىم- جومارت توقايەۆ ەكىباستۇز تۇرعىندارىنا جىلۋ جەلىسىندەگى اپاتتىڭ شىعىندارىن مەملەكەت پەن جەو يەسى ءبولىپ تولەسىن دەپ تاپسىرما بەردى.

بيىلعى 26 قاڭتاردا «ەكىباستۇزجىلۋەنەرگو» ج ش س- عا 1,1 ميلليون تەڭگەگە ايىپپۇل سالىنعانى بەلگىلى بولدى.

2029 -جىلعا دەيىن قالادا گرەس-3 ستانساسىن سالۋ جوسپارلانعان.

توتەنشە جاعداي كەزىندە زارداپ شەككەن پاتەرلەردى جوندەۋ جۇمىستارى جالعاسىپ جاتىر. 30-قاڭتارداعى مالىمەت بويىنشا، جوندەۋ 152 پاتەردە جاسالدى.