وزبەكستان قورعانىس سالاسىن كۇشەيتىپ جاتىر
باقىلاۋ جۇرگىزۋگە ارنالعان قۇرال- جابدىق، يادرولىق قارۋدى تاراتپاۋ جونىندەگى قور تاراپىنان قايتارىمسىز نەگىزدە بەرىلدى. بىلتىر قاراشا ايىندا دا ا ق ش قارۋلى كۇشتەرى وزبەكستانعا 50 اسكەري تاكتيكالىق كولىكتى ۇسىنعان بولاتىن. كەلىسىم «سەرىكتەستەردىڭ اسكەري الەۋەتىن كوتەرۋ» اتتى باعدارلاما اياسىندا جۇزەگە استى»، - دەيدى وسى ەلدەگى امەريكاندىق ديپلوماتتار.
بۇعان دەيىن ۇسىنىلعان اسكەري كومەكتىڭ جالپى سوماسى 3 ميلليون دوللارعا شامالاس.
جالپى وزبەكستان پرەزيدەنتى قارۋلى كۇشتەردى جابدىقتاۋ جونىندەگى مەملەكەتتىك كوميسسيا قۇرىپ، وعان قارۋ- جاراق جاسايتىن ءىرى كاسىپورىن جەتەكشىلەرىن قوستى. قازىر ەلدە سالاداعى ءوندىرىستى ارتتىرۋعا جانە شەتەلدىك كومپانيالارمەن ورتاق كووپەراتسيا قۇرۋعا باسىمدىق بەرىلىپ وتىر. ەندى الا شاپاندى اعايىن وڭتۇستىك شەكارادا قاۋىپسىزدىكتى كۇشەيتەدى. سەبەبى كەيىنگى كەزدە اۋعانستاندا جاعداي قايتا ۋشىعا تۇسكەن.
ۆالەري بيريۋكوۆ، ساياساتتانۋشى:
- وزبەكستان قارۋلى كۇشتەردى نىعايتىپ، زاماناۋي تەحنيكا ساتىپ الۋعا ءماجبۇر. ءبىر بولىگىن ءوزى دە جاساۋعا قابىلەتتى. الەمدىك گەوساياسات پەن اۋعانستانداعى تۇراقسىزدىق وسىعان تاۋەكەل ەتكىزىپ وتىر. ونىڭ ۇستىنە ەلدە 2017 -جىلى قۇرىلعان قورعانىس ونەركاسىبى جونىندەگى مەملەكەتتىك كوميتەت بار. قازىر ول وزبەكستاندا ارنايى اسكەري تەحنيكا بولشەكتەرى مەن باسقا دا جابدىقتارى شىعارۋ ءىسىن جولعا قويدى.
www.24.kz
