سوڭعى قوڭىراۋ شاراسى مينيسترلىك بۇيرىعىمەن بەكىتىلمەيدى - ۆەدومستۆو باسشىلىعى

استانا. قازاقپارات - مەكتەپتەردەگى سوڭعى قوڭىراۋ شاراسى مينيسترلىك بۇيرىعىمەن بەكىتىلمەيدى. وقۋ-اعارتۋ ءمينيسترىنىڭ ءبىرىنشى ورىنباسارى شولپان كارينوۆا بيىلعى سوڭعى قوڭىراۋ كۇنىنە قاتىستى ماسەلەنى تاعى ءبىر مارتە ءتۇسىندىردى، دەپ حابارلايدى قازاقپارات ءتىلشىسى.

«بيىل وقۋ جىلى 31- مامىردا اياقتالادى. سوڭعى قوڭىراۋعا كەلسەك، اتالعان شارانى وتكىزۋ بۇرىن دا، قازىر دە مينيسترلىكتىڭ بۇيرىعىمەن بەكىتىلمەگەن. دەمەك، نورماتيۆتىك قۇقىقتىق قۇجاتتاردا سوڭعى قوڭىراۋ ءداستۇرى جەكە ءىس-شارا رەتىندە قاراستىرىلماعان»، - دەدى شولپان كارينوۆا و ك ق- دە وتكەن بريفينگىدە.

ەسكە سالايىق، ءماجىلىستىڭ جالپى وتىرىسىندا دەپۋتات امانجول ءالتاي مەكتەپتەردەگى سوڭعى قوڭىراۋ كۇنىن 30- مامىرعا نەمەسە 1- ماۋسىمعا اۋىستىرۋدى سۇراعان ەدى.

مۇنان سوڭ مينيسترلىك سوڭعى قوڭىراۋ شاراسىنىڭ 1- ماۋسىمدا وتەتىندىگىن حابارلادى.

«قازاقستاندا وقۋ جىلىنىڭ ۇزاقتىعى 36 اپتا. ءداستۇر بويىنشا وقۋ جىلى 1- قىركۇيەكتە باستالىپ، بيىلدان باستاپ 31- مامىردا اياقتالادى. 31- مامىر - وقۋ جىلىنىڭ سوڭعى كۇنى. بۇل كۇنى ەلىمىزدىڭ مەكتەپتەرىندە وقۋشىلاردىڭ جاس ەرەكشەلىكتەرىن ەسكەرە وتىرىپ، ساياسي قۋعىن-سۇرگىن قۇرباندارىن ەسكە الۋ كۇنىنە ارنالعان سىنىپتان تىس ساعاتتار وتكىزىلەدى. 1- ماۋسىمدا ەلىمىزدىڭ وقۋشىلارى حالىقارالىق بالالاردى قورعاۋ كۇنىمەن قاتار سوڭعى قوڭىراۋ مەرەكەسىن اتاپ وتەدى»، - دەپ تۇسىندىرگەن ەدى سول كەزدەگى وقۋ-اعارتۋ مينيسترلىگى ورتا ءبىلىم كوميتەتىنىڭ ءتوراعاسى گۇلميرا كارىموۆا.