توقايەۆ پايدا تابۋدى كوزدەگەن جەكەلەگەن اۋرۋحانالار تۋرالى ايتتى
بۇل تۋرالى مەملەكەت باسشىسى قاسىم- جومارت توقايەۆتىڭ توراعالىعىمەن ەلوردانى دامىتۋ ماسەلەلەرى جونىندەگى كەڭەس ايتتى، دەپ حابارلايدىتس اقوردا.
«قالادا مەديتسينالىق قىزمەتتىڭ ساپاسىنا جانە ونىڭ قولجەتىمدى بولۋىنا قاتىستى شاعىم كوپ. بۇل جەردە دەموگرافيانى دا ەسكەرگەن ءجون. ەلوردا تۇرعىندارىنىڭ سانى سوڭعى ون جىلدا 2,5 ەسە ءوستى. مەديتسينا ينفراقۇرىلىمى بۇل قارقىنعا ىلەسە الماي جاتىر. ەمحانالاردا كەزەك كوپ. پەرزەنتحانالاردا ورىن تاپشى. ونداعى جۇكتەمە قالىپتى نورمادان 68 پايىزعا ارتىق. سونداي- اق كەيبىر اۋرۋحانادا سانيتارلىق تالاپتار ساقتالمايدى. بالالار ەمحاناسىنداعى قابىلداۋ بولمەلەرى زامان تالابىنا ساي ەمەس. قالادا بالالارعا ارنالعان جالعىز تراۆماتولوگيا پۋنكتى بار. جاراقات العان بالالار سول جەردە ۇزىن- سونار كەزەكتە تۇرۋعا ءماجبۇر بولادى. ءۇشىنشى كوپسالالى بالالار اۋرۋحاناسى تەك ينفەكتسيالىق اۋرۋلاردان ەمدەيدى. وندا حيرۋرگيا، وفتالمولوگيا جانە تراۆماتولوگيا بولىمدەرى جۇمىس ىستەمەيدى. ەلوردا ءۇشىن بۇل - ۇيات نارسە»، - دەدى ق ر پرەزيدەنتى جيىندا.
سونداي- اق مەملەكەت باسشىسى دەنساۋلىق ساقتاۋ مينيسترلىگىنە قالا اكىمدىگىمەن بىرلەسىپ، بالالار مەديتسيناسىنا قاتىستى ماسەلەنىڭ ءبارىن شەشۋدى تاپسىردى.
«پايدا تابۋدى كوزدەگەن جەكەلەگەن اۋرۋحانالار مۇمكىندىگى بولا تۇرا كەيبىر دارىگەرلىك قىزمەت كورسەتۋدەن باس تارتىپ جاتىر. «ۇلتتىق عىلىمي مەديتسينا ورتالىعى جاقىندا جەكەمەنشىككە ءوتتى. وندا بۇيرەگىن اۋىستىرعان ناۋقاستاردى وڭالتۋ جۇمىسى توقتاتىلعان. ءاليحان اسحان ۇلى، ءىرى مەديتسينالىق مەكەمەلەردى جەكەشەلەندىرۋدىڭ تيىمدىلىگىن قايتا قارايتىن كەز كەلدى. بۇدان بولەك، مەديتسينا كادرلارىنىڭ تاپشىلىعى دا قيىندىق تۋعىزىپ وتىر. قالادا 600 دەن استام مامان جەتىسپەيدى. دەنساۋلىق ساقتاۋ مينيسترلىگى وسى ماسەلەلەردى شەشۋ قاجەت. بۇل سالاعا بىلىكتى مامانداردى تارتىپ، ولاردىڭ تۇراقتى جۇمىس ىستەۋىن قامتاماسىز ەتۋ كەرەك. جەڭىس ماحمۇد ۇلى، وسى ماسەلەنى جەكە باقىلاۋعا الىڭىز. «ەلوردا جاستارى» باعدارلاماسىنا مەديتسينا قىزمەتكەرلەرىن قوسۋ مۇمكىندىگىن قاراستىرۋ كەرەك»، - دەدى ق ر پرەزيدەنتى.
