20:29, 30 - قاڭتار 2023 | GMT +5
قازاقستان حالىق پارتياسى ءماجىلىس سايلاۋىنا كانديداتتار ءتىزىمىن بەكىتتى
استانا. قازاقپارات- قازاقستان حالىق پارتياسى 19- ناۋرىزدا وتەتىن كەزەكتەن تىس ءماجىلىس سايلاۋىنا كانديداتتار ءتىزىمىن بەكىتتى، دەپ حابارلايدى قازاقپارات ءتىلشىسى.
«باستاپقىدا تىزىمدە 120 دان استام ادام بولعان ەدى. ءبىز ورىندى شىنايى ءبولۋ قاجەتتىگىن ەسكەرە وتىرىپ، ءتىزىمدى قىسقارتتىق. قازاقستان حالىق پارتياسى پارلامەنت ءماجىلىسى دەپۋتاتتارىن سايلاۋعا 52 ادام ۇسىنادى»، - دەدى پارتيا ءتوراعاسى ەرمۇحامەت ەرتىسبايەۆ ساياسي ۇيىمنىڭ كەزەكتەن تىس ХХІІІ سەزى بارىسىندا.
ونىڭ اتاپ وتۋىنشە، پارتيالىق تىزىمدە التى ۇلتتىڭ وكىلى بار. كانديداتتاردىڭ ورتاشا جاسى 50 جاس. سونىمەن قاتار تىزىمدەگى ايەلدەر، جاستار جانە مۇگەدەك جانداردىڭ ۇلەسى 32,6 پايىزدى قۇرايدى.
