جاڭا قازاقستان قۇندىلىقتارىن كورسەتەتىن بالالارعا ارنالعان كىتاپشالار شىقتى

استانا. قازاقپارات - «جاڭا ادامدار» جاستار قوزعالىسى جاڭا قازاقستان مەن ونداعى تۇرعىنداردىڭ ەڭ اسىل قۇندىلىقتارى تۋرالى بالالارعا ارنالعان بوياماق كىتاپشالار شىعاردى، دەپ حابارلايدى قازاقپارات.

«قازاقستاندى بىرگە سالايىق» بوياماقتارى بالالارعا جاقسى قاسيەتتەردى ويىن تۇرىندە سىڭىرۋگە باعىتتالعان.

«ءبىز ادام بويىنداعى ەڭ جاقسى قاسيەتتەردى تاڭداپ، ولاردى باستى كەيىپكەرلەر - ارمان مەن ديانانىڭ كومەگىمەن كىتاپشالارىمىزداعى بالالار سۋرەتتەرىندە كورسەتتىك. 18 يلليۋستراتسيا - بۇل جاڭا قازاقستاننىڭ بولاشاق قۇرىلىسشىلارىنا بوياۋعا ۇسىنىلعان 18 سيۋجەت»، - دەلىنگەن باسپا ءسوز بايانىندا.

«قازاقستاندى بىرگە سالايىق» بوياماعىنىڭ تۇساۋكەسەرى 28- قاڭتار كۇنى استاناداعى «حان شاتىر» ساۋدا، ويىن-ساۋىق ورتالىعىندا ءوتتى. وعان قاتىسقان «ومىرلىك قيىن جاعدايعا تاپ بولعان بالالاردى قولداۋ ورتالىعى» ك م م- ءنىڭ 4-12 جاس ارالىعىنداعى بالالار كىتاپشالاردى العاشقى بولىپ كورىپ، ولاردى العاشقى بولىپ بوياپ كوردى.

«پرەزيدەنت توقايەۆ:» ءبىزدىڭ دانا حالقىمىزدا «ەل بولامىن دەسەڭ، بەسىگىڭدى تۇزە» دەگەن ماقال بار. سوندىقتان مەكتەپكە دەيىنگى تاربيە سالاسى باسىمدىقتا بولۋى كەرەك»، - دەپ ايتقان بولاتىن. ءبىز بالالارعا ارنالعان جاي عانا بوياۋ كىتاپشاسىن دايىنداعان جوقپىز. ونداعى ءاربىر سۋرەت بالالاردىڭ ناعىز قازاقستاندىق بولىپ وسۋىنە كومەكتەسەتىن ادامي قاسيەتتەر مەن قۇندىلىقتاردى سيپاتتايدى. بالالار سۋرەتتەردى بوياي وتىرىپ، سول قۇندىلىقتى بويىنا ءسىڭىرىپ وتىرادى. سونىمەن قاتار بۇل اتا-انالار ءۇشىن بالالارىمەن ماڭىزدى دۇنيە - ەلىمىزدىڭ بولاشاعى تۋرالى سويلەسۋگە سەبەپ بولا الادى»، - دەيدى «جاڭا ادامدار» بەلسەندىسى ميراس احمەتوۆ.