عالىم كيىك ەتىن وڭدەيتىن ارنايى كومبينات سالۋدى ۇسىندى

استانا. قازاقپارات - بيولوگيا عىلىمدارىنىڭ دوكتورى، «استانا» حالىقارالىق ۋنيۆەرسيتەتىنىڭ پروفەسسورى مۇرات نۇرىشيەۆ كيىك ەتىن وڭدەيتىن ارنايى كومبينات سالۋدى ۇسىندى، دەپ حابارلايدى قازاقپارات ءتىلشىسى.

«ەت كومبيناتىن اشپاي تۇرىپ كيىكتەن قانداي ءونىم الاتىنىمىزدى ناقتى ءتۇسىنىپ الۋىمىز كەرەك. مۇيىزىنەن باستاپ تۇياعىنا دەيىن وڭدەلۋى كەرەك. ول ءۇشىن مامانداندىرىلعان ەت كومبيناتتارى بولۋ قاجەت. ويتكەنى ولاردىڭ اۋرۋى باسقا، اۋىلشارۋاشىلىعى جانۋارلارىنىڭ اۋرۋى باسقا. سوندىقتان بىزدە مامانداندىرىلعان جەلى، قايتا وڭدەۋدىڭ وزگەشە جۇيەسى بولۋى كەرەك»، - دەدى عالىم.

ونىڭ سوزىنشە، الەمدە كيىك ەتىنە دەگەن سۇرانىس جوعارى.

«كيىك ەتىنىڭ 100 گرامى شامامەن 100 دوللار بولۋى كەرەك. شەتەلدەردە كيىك ەتىن ساتىپ العىسى كەلەتىندەر كوپ. ويتكەنى ول وتە پايدالى. كيىكتەر جولىققان ءشوپتىڭ 50 تۇرىنەن بىرەۋىن عانا تاڭداپ جەيدى. ال جىلقى سەگىز ءشوپتىڭ ءبىرىن جەيدى. وسىنداي تالعامپازدىعىنىڭ ارقاسىندا مامونتتار مەن ءجۇندى ءمۇيىزتۇمسىقتار داۋىرىنەن بەرى امان كەلە جاتىر. ءبىز كيىكتەردى تەرەڭدەتىپ زەرتتەسەك، ەلىمىزدەن بىرنەشە نوبەل سىيلىعىنىڭ لاۋرەاتى شىعۋى مۇمكىن»، - دەيدى مۇرات نۇرىشيەۆ.

اۆتور

ەسىمجان ناقتىباي