تارازدا ستۋدەنتتەردەن پارا العان ج و و وقىتۋشىسى ۇستالدى
20-قاڭتاردا جامبىل وبلىسى پوليتسيا دەپارتامەنتىنىڭ ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى ارنايى جەدەل- ىزدەستىرۋ شارالارى بارىسىندا قالاداعى جوعارى وقۋ ورىنىنىڭ بىرىنەن 46 جاستاعى وقىتۋشىنى قىزمەتتىك كابينەتىندە ستۋدەنتتەن 200 مىڭ تەڭگە كولەمىندە قارجى الۋ كەزىندە ۇستادى.
پوليتسيا اعا وقىتۋشىنىڭ بۇعان دەيىن 4-كۋرس ستۋدەنتتەرىنەن ءۇش ايلىق تاجىريبەلىك ساباقتاردان جانە ەمتيحاننان وتكىزىپ بەرەمىن دەپ ءارقايسىسىنان 50 مىڭ تەڭگە كولەمىندە اقشا تالاپ ەتكەندىگىن انىقتادى.
ۇستالعان ەر ادام كىناسىن تولىق مويىندادى. وعان قاتىستى قولحاتپەن بوساتۋ تۋرالى بۇلتارتپاۋ شاراسى قولدانىلدى.
اتالعان دەرەككە قاتىستى ق ر ق ك-نىڭ 190-بابى 3-بولىگى 3-تارماعىمەن (ەكى نەمەسە ودان دا كوپ ادامعا قاتىستى جاسالعان الاياقتىق) سوتقا دەيىنگى تەرگەۋ امالدارى باستالدى. باپقا سايكەس، وسىنداي قىلمىس جاساعانى ءۇشىن مۇلكى تاركىلەنىپ، ءۇش جىلدان جەتى جىلعا دەيىنگى مەرزىمگە باس بوستاندىعىن شەكتەۋگە نە سول مەرزىمگە باس بوستاندىعىنان ايىرۋ، بەلگىلى بىر لاۋازىمداردى اتقارۋ نەمەسە بەلگىلى بىر قىزمەتپەن اينالىسۋ قۇقىعىنان ءومىر بويىنا ايىرا وتىرىپ، جىمقىرىلعان مۇلىكتىڭ ون ەسەلەنگەننەن جيىرما ەسەلەنگەنگە دەيىنگى مولشەرىندە ايىپپۇل سالۋ، نە ءۇش جىلدان جەتى جىلعا دەيىنگى مەرزىمگە باس بوستاندىعىنان ايىرۋ جازاسى كوزدەلگەن.
