ازيا چەمپيوناتى: سابىرجان اققالىقوۆ كۇمىستى قاناعات تۇتتى
قۇرلىقتىق دودادا سابىرجان اققالىقوۆ (71 كەلى) وزبەكستاندىق نۋريسلوم يسمويلوۆپەن قولعاپ ءتۇيىستىردى. العاشقى راۋندتا تورەشىلەر شەشىمى ەكىگە ءبولىندى. ەكەۋى قازاقستاندىق بوكسشىعا قولداۋ بىلدىرسە، ۇشەۋى وزبەكستاندىق بىلعارى قولعاپ شەبەرىنىڭ باسىم ەكەنىن كورسەتتى.
وسىنى بىلگەن سابىرجان ەكىنشى راۋندتا قارقىنىن ارتتىرا ءتۇستى. ناتيجەسىندە، قارسىلاسى نوكداۋن الىپ قالدى. بۇل جولى تورەشىلەردىڭ ۇشەۋى سابىرجاننىڭ باسىم ەكەنىنە سەنىم ءبىلدىردى.
ءۇشىنشى راۋندتا قارسىلاستار اشىق ايقاسقا كوشتى. ءبىر- بىرىنە ءجيى سوققى جاسادى. جالپى، قورىتىندىدا تورەشىلەر جەڭىستى وزبەكستاندىق بوكسشىعا بەردى. وسىلايشا، سابىرجان كۇمىس جۇلدەنى قاناعات تۇتتى.
ەسكە سالساق، بۇگىن قۇرلىقتىق دودادا سانجار تاشكەنباي (48 كەلى) مەن نۇرسۇلتان التىنبەك (54 كەلى) جەڭىمپاز تۇعىرىنا كوتەرىلدى.
سونداي- اق، ماحمۋد سابىرجان (57 كەلى) تايلاندتىق ساراۆۋت سۋكتحەتتىڭ وسال تۇسىن تاپتى.
ال، قازاقستاندىق ابزال سەرىك وزبەكستاندىق بەحزود حاميدوۆقا ەسە جىبەرىپ، قولا جۇلەدەنى قاناعات تۇتتى.
ەندى ەل قۇراماسىنان دياس مولجىگىتوۆ (75 كەلى) تاعى ءبىر وزبەكستاندىق الوحون ابدۋللايەۆپەن شەبەرلىك بايقاسادى.
فوتو: ASBC
