قازاق بوكسشىسى بوكستان ازيا چەمپيونى اتاندى

استانا. قازاقپارات - بوكستان 22 جاسقا دەيىنگى سپورتشىلار اراسىنداعى ازيا چەمپيوناتىندا قازاقستاندىق ماحمۋد سابىرحان چەمپيون اتاندى، دەپ حابارلايدى قازاقپارات ءتىلشىسى.

تايلاند استاناسى بانگكوك قالاسىندا ءوتىپ جاتقان قۇرلىقتىق دودادا 57 كەلىدە سىنعا ءتۇسىپ جاتقان ماحمۋد سابىرحان تايلاندىق ساراۆۋت سۋكتحەتپەن قولعاپ ءتۇيىستىردى. جەكپە- جەك تارتىستى ءوتتى. تورەشىلەر شەشىمى ەكىگە ءبولىندى. ناتيجەسىندە باسىم داۋىسپەن قازاقستاندىق بوكسشى جەڭىمپاز اتاندى.

ايتا كەتسەك، ماحمۋد ەرەسەكتەر اراسىندا 2022 -جىلعى ازيا چەمپيوناتىندا كۇمىس جۇلدە العان ەدى. ونىڭ شەبەرلىگىنە ءتانتى بولعان شەتەلدىك باسىلىمدار وعان «كازاق لوماچەنكوسى» دەگەن باعا بەرگەن بولاتىن.

سونداي-اق، بۇگىن قۇرلىقتىق دودادا سانجار تاشكەنباي (48 كەلى) مەن نۇرسۇلتان التىنبەك (54 كەلى) جەڭىس تۇعىرىنا كوتەرىلدى.

ەسكە سالساق، بۇدان بۇرىن بوكستان جاستار اراسىندا ازيا چەمپيوناتىندا قازاقستاندىق قىزدار قۇراماسى ۇزدىك ۇشتىكتى تۇيىندەدى.